Një sërë vendesh shprehin shqetësim për të ardhmen e grave afgane

Shtetet e Bashkuara, Bashkimi Evropian dhe 19 vende tjera, përshirë Shqipërinë dhe Maqedoninë e Veriut, kanë nënshkruar një deklaratë të përbashkët përmes së cilës u bëhet thirrje talibanëve që të respektojnë të drejtat dhe sigurinë e grave dhe vajzave afgane.

 

Këto vende shpresin shqetësimin e thellë për situatën në të cilën gjenden gratë dhe vajzat afgane, përkatësisht sa i takon të drejtave të tyre për arsimim, punën dhe lirinë e lëvizjes.

Deklarara u lëshua tre ditë pasi talibanët hynë në kryeqytetin e Afganistanit, Kabul dhe rrëzuan qeverinë e mbështetur nga Perëndimi.

“Atyre që janë në pushtet dhe autoriteteve në të gjithë Afganistanin ne u bëjmë thirrje të garantojnë mbrojtjen e tyre (grave dhe vajzave)”, thuhet në deklaratë.

Fuqitë e huaja po vëzhgojnë çdo veprim të talibanëve për të kuptuar nëse janë duke përmbushur premtimet dhe kanë lënë prapa praktikat e shkeljes brutale të të drejtave të njeriut.

Talibanët e sunduan Afganistanin midis viteve 1996 dhe 2001. Ata nuk i lejuan gratë të punonin, vajzat nuk lejoheshin të ndiqnin shkollën dhe gratë duhej të mbulonin fytyrat dhe të shoqëroheshin nga një i afërm mashkull, nëse donin të dilnin nga shtëpitë e tyre.

Të gjithë njerëzit afganë “meritojnë të jetojnë në siguri dhe dinjitet”, thuhet në deklaratën e përbashkët, në të cilën gjithashtu thuhet se “çdo formë diskriminimi duhet të parandalohet”.

Talibanët thanë më 17 gusht se ata duan paqe dhe një qeveri gjithëpërfshirëse-brenda vlerave të Islamit. Ata u zotuan se nuk do të hakmerreshin kundër kundërshtarëve dhe se do të respektonin të drejtat e grave brenda kornizës së ligjit islam.

Related posts

Debat në Bundestag: Merkeli mbështet Laschetin dhe sulmon Scholzin

N E

Izraeli dhe Jordania diskutojnë çështjet strategjike

D V

SHBA-ja thotë se Siria mund ta lirojë gazetarin e rrëmbyer amerikan

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More