Agjencia Zhurnal.mk
Shëndetësi

Një studim i madh global zbulon se ilaçi Remdesivir nuk ndihmon pacientët me COVID-19

Në një studim të përshkruar si përfundimtar dhe zhgënjyes, Organizata Botërore e Shëndetësisë tha se ilaçi antiviral remdesivir ka “pak ose aspak efekt mbi vdekshmërinë” për pacientët e shtruar në spital me coronavirus.

Madje, siç thuhet më tej, ai nuk duket se i ndihmon as pacientët të shërohen më shpejt, shkruan CNN, përcjell Telegrafi.

Deri tani, remdesivir ka qenë ilaçi i vetëm që duket se ka efekte specifike për coronavirusin.

Ai ishte ilaçi i vetëm me një Autorizim Përdorimi Emergjent për COVID-19 nga Administrata e Ushqimit dhe Barnave në SHBA.

Siç shkruan CNN më tej, rezultatet e studimit të OBSH-së nuk janë botuar në një revistë mjekësore të vlerësuar nga kolegët.

Por OBSH i postoi ato në internet, aty ku gjenden punime ose të dhëna të shoqëruara me punime të ndryshme shkencore, të cilat ende nuk janë rishikuar nga kolegët ose janë pranuar nga revistat akademike tradicionale

Në shkrimin e botuar thuhet se studimi i OBSH-së rishikoi remdesivirin dhe tre barna të tjerë të ripërdorur: hydroxychloroquine, kombinimi i HIV i lopinavirit dhe ritonavirit dhe interferonit.

Por askush prej tyre nuk i ndihmoi pacientët të jetonin më gjatë ose të dilnin nga spitali më shpejt, tha OBSH.

“Për secilin ilaç në studim, efekti në vdekshmëri ishte zhgënjyeshëm jopremtues”, citohet të ketë thënë OBSH në një deklaratë.

Në anën tjetër Gilead Science, prodhuesi i ilaçit, tha se gjetjet nuk nënkuptojnë se ilaçi, i shitur me emrin e markës Veklury, nuk sjell asnjë përfitim.

“Të dhënat që dalin duken jo konsistente me prova më të forta nga studime të shumta të rastësishme, të kontrolluara dhe të botuara në revista të vlerësuara nga kolegët, duke vërtetuar përfitimin klinik të Veklury (remdesivir). Ne jemi të shqetësuar se të dhënat nga ky testim global me etiketë të hapur nuk i janë nënshtruar rigorozitetit, i kërkuar për të lejuar diskutim shkencor konstruktiv”, ka thënë Gilead në një deklaratë.

Gjithsesi, studiuesit e udhëhequr nga OBSH thonë se testi i tyre do të vazhdojë.

“Barnat më të reja antivirale, imunomodulatorët dhe antitrupat monoklonalë anti-SARS COV-2 tani po merren në konsideratë për vlerësim përmes testit të Solidarity Therapyics”, tha OBSH.

Postime të ngjashme

Përdredhja e flokëve te fëmijët: A është shenjë e autizmit?

S.B.

Gjithnjë e më shpesh ka vërejtur që bashkëshorti kundërmonte: E ka akuzuar se nuk lahej, ndërkaq më vonë ka kuptuar të vërtetën e dhimbshme

S.B.

Nëntë llojet e dhimbjeve të trupit që lidhen me emocionet dhe gjendjen mendore

S.B.

Nëse dëshironi proteina të pastra, shmangni këtë mish pule

S.B.

Sa kohë duhet të prisni që të vizitoni familjen pasi të keni marrë vaksinën anti-COVID?

S.B.

Ndryshimi i stinëve e bën më të vështirë zgjimin në mëngjes

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...