Agjencia Zhurnal.mk
Shëndetësi

Njerëzit asimptomatikë janë përgjegjës për shumicën e rasteve të coronavirusit

Ndërsa shkencëtarët janë përpjekur të kuptojnë më shumë rreth infeksionit me coronavirus që nga fillimi i pandemisë, shumë njerëz kanë bërë një pyetje – a mundet që dikush pa asnjë simptomë të përhapë virusin?

Tani, pas disa muajsh, Qendrat për Kontrollin dhe Parandalimin e Sëmundjeve (CDC) thanë se shumica e rasteve me COVID-19 përhapen nga njerëz pa asnjë simptomë.

CDC vuri në dukje se meqenëse njerëzit pa simptoma COVID-19 janë kryesisht përgjegjës për përhapjen e virusit, përdorimi i maskave është shumë i rëndësishëm. Udhëzimi i azhurnuar gjithashtu vuri në dukje se “CDC dhe të tjerët vlerësojnë se më shumë se 50 për qind e të gjitha infeksioneve transmetohen nga njerëz që nuk shfaqin simptoma”, dhe kjo do të thotë që të paktën gjysma e infeksioneve të reja vijnë nga “njerëz që nuk kanë dijeni se janë infektive të tjerëve “.

Njëzet e katër për qind e njerëzve që transmetojnë infeksionin SARS-CoV-2 te të tjerët kurrë nuk zhvillojnë simptoma dhe 35 për qind të tjerë ishin para-simptomatikë, tha CDC. Sipas agjencisë shëndetësore, 41 për qind infektuan të tjerët ndërsa përjetonin simptoma.

Në faqen e internetit të CDC, u tha gjithashtu se kulmi i infektivitetit vjen pesë ditë pas infeksionit viral. Me supozime të tilla, 59 për qind e infeksioneve do të transmetohen kur nuk zhvillohen simptoma, por “mund të shkojnë (nga) 51-70 për qind nëse fraksioni i infeksioneve asimptomatike do të ishte 24-30 për qind dhe infektiviteti i pikut do të varionte nga katër deri në gjashtë ditë”.

Infeksioni transmetohet kryesisht nga pikat e frymëmarrjes të krijuara kur njerëzit kolliten, teshtijnë, flasin ose marrin frymë, dhe disa njerëz pa simptoma po përhapin virusin ndërsa nuk janë të vetëdijshëm për faktin se ata janë me COVID-19 pozitiv.

Këto grimca mund të fluturojnë drejtpërdrejt te të tjerët, të bien në sipërfaqe për t’u mbledhur ose mund të zgjaten në ajër, posaçërisht në dhomë të mbyllur, andaj CDC rekomandon “përdorimin e maskave nga komuniteti, posaçërisht maskat prej pëlhure me shumë shtresa jo të valvuluara, për të parandaluar transmetimin e SARS-CoV-2”.

Zyrtarët shëndetësorë kanë frikë se mos ndjekja e rekomandimeve të CDC mund të çojë në një goditje tjetër në rastet e koronavirusit.

Postime të ngjashme

Kur të jeni nervoz, shtypni këtë pikë në fytyrën tuaj: Katër truke psikologjike për të ulur stresin në pak sekonda

Dafina Vidishiqi

Simptomat e goditjes së nxehtësisë ndodhin papritmas dhe pa paralajmërim: Mund t’ju rrezikojë jetën – patjetër ndiqni këto rregulla

Dafina Vidishiqi

Rëndësia e teknikës adekuate e pastrimit të dhëmbëve

Zekirija Haxhiu

Pothuajse të gjithë e bëjnë këtë gabim kur pimë kafe: Ky zakon, në dukje i parrezikshëm, mund të dëmtojë shëndetin tuaj!

Dafina Vidishiqi

Bëni kujdes! Këto probleme goxha serioze fshihen pas një barku të fryrë

Dafina Vidishiqi

BAJAMET MUND TË NDIHMOJË NË LARGIMIN E DJEGIEVE NGA DIELLI

Lea Muslija

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...