Agjencia Zhurnal.mk
Kosovë

Njoftim i rëndësishëm nga Ambasada e Kosovës për bashkatdhetarët në Itali, pas zgjatjes së kufizimeve antiCOVID-19

Ambasada e Republikës së Kosovës në Itali ju ka bërë thirrje të gjithë shtetasve kosovarë me banim/qëndrim në Itali të respektojnë masat dhe protokollet parandaluese anti COVID-19, të përcaktuara në Dekretin e fundit të Qeverisë italiane, i përditësuar me datë 14 janar 2021.

Ambasada njofton se Dekreti parashikon zgjatjen e gjendjes emergjente me kufizimet e lëvizjes si në vijim:

“-Deri me 15 shkurt 2021, parashikohen kushtëzime për qarkullimin dhe lëvizjen brenda territorit italian: çdo lëvizje mes komunave (përjashtohen ato me më pak se 5000 banorë), prefekturave dhe rajoneve është e ndaluar; lejohen lëvizjet vetëm për arsye pune, shëndetësore, kthim në vendbanim dhe nevoja urgjente, ku parashikohet gjithsesi formulari i vetë deklaratës ku dëshmohet arsyeja e lëvizjes;

– Udhëtimet Itali/Kosovë dhe anasjelltas: lejohen vetëm në raste urgjente të dëshmuara, dhe për hyrjen/kthimin në Itali, parashikohet vetë izolimi i detyrueshëm 14 ditorë, si dhe mbikëqyrja shëndetësore. Sipas këtij dekreti, këto masa mbesin në fuqi nga 16 janari deri me 05 mars 2021.

– Kalimi tranzit nëpër Itali: të gjithë shtetasit kosovarë që udhëtojnë nga shtetet e BE-së mund të kalojnë tranzit përmes rrugëve tokësore, duke plotësuar formularin e vetë deklarimit, ku shpjegohet qartë qëndrimi në 14 ditët e fundit, duke respektuar detyrimin që të lëshojnë territorin italian brenda 36 orëve”, thuhet në njoftimin e ambasadës.

Ambasada e Kosovës në Itali më tej ka njoftuar se lejet e qëndrimit/permessi di soggiorno: të gjithë shtetasit kosovarë të cilëve u ka skaduar leja e qëndrimit italiane, DPCM Nr.2 i datës 14.01.2021, neni 5, parashikon zgjatjen e vlefshmërisë së tyre deri më datë 30 prill 2021.

“Ju informojmë gjithashtu se gjatë kësaj periudhe, Ambasada e Republikës së Kosovës në Itali ofronë shërbime konsullore vetëm me termine/takime të rezervuara paraprakisht.

Për çdo kërkesë me natyrë urgjente, lutemi kontaktoni në:
– Nr. e tel: 06/85356571, nga e hëna deri të enjten nga ora 09 – 17;
– Nr. emergjent: +39327452991;
– E-mail: [email protected]; [email protected];
– FB: @Ambasada e Republikës së Kosovës në Itali

Ju ftojmë të kontrolloni vazhdimisht webfaqen zyrtare dhe profilin tonë zyrtar në facebook për t’u informuar mbi përditësimet e reja lidhur me rregullat e qarkullimit.

Vetëm në këtë mënyrë, duke respektuar me rigorozitet masat parandaluese, ne mbrojmë shëndetin tonë dhe atë të afërmeve tanë”, thuhet në njoftim.

Postime të ngjashme

Agani: Qeveria do të formohet në fund të marsit

T E

Vidhet vetura afër Drenasit, hajnat u futën në garazhdë dhe e morën “Pasatin”

T E

Rritet numri i rasteve aktive me Covid në Kosovë

Z H

Lajçak të hënën në Kosovë

Z H

Djali i Ibrahim Rrugovës për kryetar të ri të LDK-së!?

Z H

Ish-deputueti i VV-së: Kemi fituar mbi 50% të votave

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...