Qëndrimi i Gabriel Jesusit te Arsenali pritet të përfundojë në dy vite, pasi vera pritet të jetë koha kur ai do të largohet.
Sulmuesi brazilian nuk ka bindur në vitin e tij të dytë trajnerin Mikel Arteta dhe drejtuesit e klubit për të qëndruar në klub.
Jesus ka vuajtur shumë nga lëndimet dhe nuk ka arritur të jetë vendimtar për Arsenalin.
Mikel Arteta nuk llogarit në shërbimet e brazilianit për sezonin e ardhshëm dhe ka kërkuar nga klubi shitjen e tij në afatin kalimtar të verës.
The Sun ka raportuar se Arsenali tanimë e ka nxjerr në shitje lojtarin brazilian dhe nga largimi i tij shpresojnë të fitojnë rreth 70 milionë euro.
Inter, Juventus, PSG e Barcelona janë disa nga skuadrat e interesuara për transferimin e sulmuesit brazilian.
27-vjeçari këtë edicion ka zhvilluar 34 ndeshje në të gjitha garat ku ka shënuar tetë gola dhe ka asistuar në tetë të tjerë.