Agjencia Zhurnal.mk
Bota

OBSH-ja kritikon Evropën për fushatën e ngadaltë të vaksinimit

Fushata e vaksinimit kundër COVID-19 në Evropë është “e ngadaltë” dhe kjo gjë është e “papranueshme” tha kreu për Evropën i Organizatës Botërore të Shëndetësisë, duke ngritur shqetësime se vonesat në dhënien e vaksinave mund të prolongojnë dhënien fund të pandemisë.

Vetëm 10 për qind e popullsisë së Evropës kanë marr një dozë të vaksinës dhe vetëm 4 për qind kanë marr të dy dozat, tha drejtori për Evropë i OBSH-së, Hans Kluge.

“Shpërndarja e këtyre vaksinave është shumë e ngadaltë”, tha ai në një deklaratë.

“Ne duhet ta përshpejtojmë procesin duke përshpejtuar prodhimin, duke zvogëluar pengesat për administrimin e vaksinave dhe duke përdorur çdo dozë të vetme që tani kemi nëpër depo”, tha ai.

Në Evropë, procesi i vaksinimit kundër koronavirusit po shkon më ngadalë krahasuar me Britaninë e Madhe dhe Shtetet e Bashkuara. Evropa po ashtu ka mbetur prapa sa i përket furnizimit me vaksina dhe miratimit për përdorim të disa prej tyre.

Kluge tha po ashtu se rastet e reja në Evropë po rriten në çdo grupmoshë, përveç atyre mbi 80 vjeç dhe kjo sipas tij është shenjë që vaksinimi i të moshuarve po jep efekt.

“Teksa variantet e reja janë shqetësim dhe ato po vazhdojnë të përhapen, rastet që kërkojnë hospitalizim po rriten”, tha ai.

“Përshpejtimi i procesit të vaksinimit është krucial”, theksoi Kluge.

Përveç furnizimeve të pakta me vaksina, për shkak të vonesave të dërgesave nga disa prodhues të vaksinave, shqetësimet janë rritur sërish sa i përket sigurisë së vaksinës së AstraZeneca/Oxford, pas raportimeve për mpiksje gjaku te disa pacientë që e morën këtë vaksinë.

Disa shtete, përfshirë edhe Gjermaninë, po refuzojnë që këtë vaksinë t’ua administrojnë personave mbi 60 vjeç.

Rregullatori evropian i Barnave, por edhe OBSH-ja kanë thënë se përfitimet nga vaksina e AstraZeneca/Oxford, tejkalojnë rreziqet që mund të paraqesë kjo vaksinë, por kanë shtuar se ata do të vazhdojnë të studiojnë incidentet e raportuara me mpiksje të gjakut./rel

Postime të ngjashme

Merkeli për dozë të dytë mori një vaksinë tjetër, jo AstraZeneca-n

Bekim Laçi

Hong Kong: Nis gjyqi i parë nën Ligjin e ri për siguri kombëtare

Bekim Laçi

Republikanët në SHBA bllokojnë projektligjin për reforma zgjedhore

Bekim Laçi

Miliona persona u kthyen në milionerë gjatë pandemisë

Bekim Laçi

Polici amerikan nuk ndahet së qari pasi u detyrua ta vrasë 19-vjeçaren – familja “ia fal gjakun”

Dafina Vidishiqi

Fauci: Varianti Indian, kërcënimi më i madh në luftën kundër Covid-19

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...