Agjencia Zhurnal.mk
Bota

OBSH miraton vaksinën e kompanisë Pfizer, përshpejtohet shpërndarja

Organizata Botërore e Shëndetësisë të enjten i dha vlefshmëri emergjente vaksinës së Pfizer-BioNTech, duke hapur rrugën që vendet në mbarë botën të aprovojnë shpejt importin dhe shpërndarjen e saj.

Vendimi “e bën vaksinën e Pfizer/BioNTech të parën që merr vërtetim emergjent nga OBSH që kur shpërthimi (koronavirus i ri) filloi një vit më parë”, tha OBSH në një deklaratë.

Britania nisi vaksinën armerikano-gjermane në 8 dhjetor, me Shtetet e Bashkuara, Kanadanë dhe vendet e BE-së që ndjekin shembullin.

“Ky është një hap shumë pozitiv drejt sigurimit të aksesit global në vaksinat COVID-19”, tha Mariangela Simao, një zyrtare e lartë e OBSH-së e ngarkuar me sigurimin e aksesit në ilaçe.
“Por unë dua të theksoj nevojën për një përpjekje edhe më të madhe globale për të arritur furnizim të mjaftueshëm me vaksina për të përmbushur nevojat e popullatave prioritare kudo”, tha ajo në një deklaratë.

OBSH tha që lista e saj e përdorimit emergjent hap rrugën për rregullatorët në vende të ndryshme për të aprovuar importin dhe shpërndarjen e vaksinës.
Tha që gjithashtu që i mundëson UNICEF, i cili luan një rol kryesor logjistik në shpërndarjen e vaksinave anti-Covid dhe Organizatës Pan-Amerikane të Shëndetësisë për të siguruar vaksinën për vendet që kanë nevojë për të.

OBSH mblodhi ekspertët e vet dhe ata nga e gjithë bota për të rishikuar të dhënat mbi “sigurinë, efikasitetin dhe cilësinë” e vaksinës Pfizer / BioNTech, duke peshuar përfitimet ndaj rreziqeve.

“Rishikimi zbuloi se vaksina plotësonte kriteret e domosdoshme për sigurinë dhe efikasitetin të përcaktuara nga OBSH, dhe se përfitimet e përdorimit të vaksinës për të adresuar COVID-19 kompensojnë rreziqet e mundshme”, tha ajo./BW

Postime të ngjashme

Kush është mjeku shqiptar që tentoi ta shpëtojë Kryetarin e Zagrebit që vdiq pardje

T E

Dilema false e rrezikut pas vaksinimit

T E

Masa më të ashpra kundër Coronavirusit në Malin e Zi

T E

Macron: Të nevojshme edhe disa javë para lehtësimit të masave antiCOVID-19

T E

Sllovakia pranon dozat e para të vaksinës ruse

T E

Orban kërcënon të nxjerrë partinë e tij nga grupi i Partisë Popullore Evropiane

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...