Agjencia Zhurnal.mk

OBSH: Ne e paralajmëruam botën, këshillat tona jepen bazuar në shkencë

Drejtori i përgjithshëm i Organizatës Botërore të Shëndetit, Tedros Adhanom Ghebreyesus gjatë një konference për media në Gjenevë të hënën është shprehur se Agjensia mund të japë vetëm këshilla, por sipas tij një gjë duhet të jetë e qartë, “ne nuk kemi ndonjë mandat për t’i detyruar vendet të zbatojnë këto këshilla. Varet nga vendet nëse duan të dëgjojnë këshillat tona apo t’i refuzojnë ato”.

Ai ka shtuar se organizata jep këshilla bazuar në “shkencën dhe provat më të mira”.

Më 30 janar, OBSH shpalli nivelin më të lartë të urgjencës globale.

“Gjatë asaj kohe, siç mund të mbani mend, kishte vetëm 82 raste jashtë Kinës. Bota duhet ta kishte dëgjuar OBSH-në atëherë, me kujdes. Çdo vend mund të kishte marrë të gjitha masat e nevojshme shëndetësore publike për ta parandaluar”, shprehet Tedros.

Në atë kohë, OBSH këshilloi botën që të gjente, provonte, izolonte dhe gjurmonte çdo rast. Tedros Adhanom Ghebreyesus e mbyll fjalimin duke thënë se në fund të ditës, secili vend merr përgjegjësinë e vet.

Marketing 2/1

Marketing 2/2

Marketing 2/1

Marketing 2/2

S.B.

Lajmet e fundit

Loading...