OBSH:COVID-19 duhet të ndalet para se të dalin variante më vdekjeprurëse

Varianti Delta i COVID-19 është një paralajmërim për botën për të shtypur virusin shpejt para se të pësojë mutacione sërish për t’u shndërruar në diçka edhe më të keqe, tha të premten Organizata Botërore e Shëndetësisë(OBSH).

 

Varianti më i ngjitshëm u vërejt së pari në Indi. Tashmë është paraqitur në 132 territore dhe është pjesërisht fajtor për rritje prej 80 për qind të vdekjeve nga koronavirusi në Afrikë në katër javët e fundit, sipas OBSH-së.

„Delta është një paralajmërim, është paralajmërim se virusi po evulon por është edhe një thirrje për veprim para se variante më të rrezikshme të krijohen“, tha drejtori i emergjencave në OBSH, Michael Ryan.

Drejtori i OBSH-së Tedros Adhanom Ghebreyesus shtoi se „deri më tani, katër variante shqetësuese janë lajmëruar- dhe do të ketë edhe më shumë nëse virusi vazhdon të shpërndahet“.

Edhe pse Delta ka lëkundur shumë shtete, Ryan tha se masat e vërtetuara që e vënë në kontroll shpërndarjen e virusit ende funksionojnë.

„Masat e njëjta që i kemi aplikuar më parë do ta ndalin virusin“, distancimi, mbajtja e maskës, higjiena e duarve dhe shmangja e qëndrimit në vende të mbyllura dhe të paventiluara mirë për një kohë të gjatë.

„Këto po e ndalin variantin Delta, sidomos kur ia shton vaksinën. Por kemi nevojë të punojmë më shumë tha ai.

Agjencia e Shëndetit në kuadër të Organizatës së Kombeve të Bashkuara ka bërë thirrje që vaksinat të shpërndahen në mënyrë më të barabartë nëpër botë.

Më shumë se katër miliardë doza të vaksinave kundër COVID-19 janë dhënë nëpër botë.

Related posts

Gruaja e parë indiane që ishte infektuar me coronavirus sërish rezulton pozitive për COVID-19

D V

OKB synon të mbledhë mbi 600 milionë dollarë për Afganistanin

D V

Biden, Putinit: SHBA-ja do të marrë masa, pas sulmit të fundit kibernetik

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com