OKB bën thirrje për ulje të tensioneve në Tunizi

Kombet e Bashkuara kanë bërë thirrje për ulje të tensioneve në Tunizi, pas presidenti i këtij vendi, Kaid Saied, ka rrëzuar Qeverinë dhe ka ngrirë Parlamentin, me ndihmën e ushtrisë.

 

Farhan Haq, zëdhënës i Sekretarit të Përgjithshëm të Kombeve të Bashkuara, Antonio Guterres, u ka bërë thirrje të gjitha palëve që të “ përmbahen nga dhuna, dhe të sigurojnë se situata është e qetë”.

“Të gjitha mospajtimet duhet të zgjidhen përmes dialogut”, ka thënë Haq.

Ai ka mohuar nëse Kombet e Bashkuara e kanë konsideruar situatën në Tunizi si përpjekje për puç .

Përleshjet kanë shpërthyer jashtë Parlamentit të Tunizisë më 26 korrik, pasi kryeministri Hichem Mechichi është shkarkuar.

Ky veprim është konsideruar nga partitë më të mëdha politike si puç.

Përleshjet kanë rezultuar me angazhim të trupave ushtarake, me qëllim të mbrojtjes së ndërtesave zyrtare në kryeqytetin e këtij vendi.

Vendimi i presidentit ka ardhur një ditë pas protestave kundër Qeverisë, për menaxhim të pandemisë së koronavirusit.

Saied ka thënë, përmes një deklarate televizive më 25 korrik, se do të ketë autoritet ekzekutiv, pas shkarkimit të Mechichit.

Sipas tij, masat e marrë kanë për qëllim “ruajtjen” e Tunizisë.

Ai ka mbrojtur vendimin që ka marrë, duke thënë se ka qenë i bazuar në Kushtetutë.

Veprimet e tij përbëjnë sfidën më të madhe për sistemin demokratik në Tunizi, të instaluar pas revolucionit të vitit 2011.

Related posts

Të paktën 12 të vrarë ndërsa autobusi që mbante migrantë aksidentohet në Turqi

D V

OBSH pezullon procesin e miratimit të vaksinës ruse Sputnik V

D V

Varianti Delta përbën 74% të rasteve në Gjermani

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com