Agjencia Zhurnal.mk
Bota

Orban: Është e mundur arritja e një marrëveshjeje për buxhetin e BE-së

Kryeministri hungarez, Viktor Orban, tha se bisedimet e bllokuara për buxhetin e BE-së, mbase do të përfundojnë me një marrëveshje, pavarësisht vetos së Hungarisë dhe Polonisë.

BE-ja dëshiron që ta bëjë financimin të varur nga respektimi i sundimit të ligjit nga ana e vendeve anëtare.

“Shumë zgjidhje janë të mundshme, kjo është vetëm një çështje e vullnetit politik”, i tha Orban, radios publike, më 20 nëntor.

Miratimi i paketës afatgjate buxhetore të BE-së prej 1.8 trilionë eurosh, ku përfshihet edhe një fond për rimëkëmbjeje nga pandemia, hasi në veton e Hungarisë dhe Polonisë, më 16 nëntor.

Të dyja këto vende janë kritikuar shpesh nga institucionet e BE-së për mungesë të respektimit të lirive demokratike.

Vetoja ka të ngjarë të vonojë fondet e domosdoshme të BE-së, në një kohë kur blloku po lufton me një valë të dytë të të infektuarve nga koronavirusi.

Orban tha se zgjidhjet e pranueshme për të dy vendet “do të ishin ato të arritura në bazë të aspekteve ligjore dhe jo të shumicës politike”.

Ai nuk dha më shumë detaje.

Ekonomia e Hungarisë, e cila ka qenë kryesisht e varur nga fondet e BE, është në një recesion më të thellë se sa pritej për shkak të pandemisë.

Si Hungaria, ashtu edhe Polonia, janë nën vëzhgimin e BE-së për minimin e pavarësisë së gjyqësorit, medias dhe organizatave joqeveritare dhe ata rrezikojnë të humbasin qasjen në dhjetëra miliarda euro.

Postime të ngjashme

Tragjedi në Peru, përmbyset autobusi, të paktën 27 viktima

Lea Muslija

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

Macron: Vizitori i parë i kancelares në Berlin

Dafina Vidishiqi

BE humb betejën ligjore ndaj kompanisë AstraZeneca për furnizimin me vaksina

Dafina Vidishiqi

Udhëtarët nga Mbretëria e Bashkuar do të duhet të hyjnë në karantinë me të mbërritur në Itali

Dafina Vidishiqi

Guterres riemërohet Sekretar i Përgjithshëm i OKB-së

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...