Osmani: Maqedonia e Veriut prej sot në Dubai EKSPO

Shkup, 1 tetor – Nën moton “Mundësi të reja” dhe nën sloganin “Shtëpi në çdo hap” këtë vit Maqedonia e Veriut me pavijon të vet do të prezantohet në  Dubai EKSPO, kumtoi sot ministri i Punëve të Jashtme, Bujar Osmani në “Fejsbuk”.

 

“Para më shumë se 190 vendeve dhe mbi 25 milionë vizitorëve, do t’i promovojmë mundësitë ekonomike, potencialin investues, atraksionet turistike, trashëgiminë e pasur kulturore dhe llojllojshmërinë etnike”, shkroi Osmani.

Shefi i diplomacisë shton se Maqedonia e Veriut do të jetë në qendër të opinionit botëror më 22 shkurt 2022, kur do të mbahet manifestimi qendror kulturor dhe biznes forum për promovimin e mundësive investuese.

“Përfitimet nga pjesëmarrja në Dubai EKSPO 2020 janë shumëdimensionale: ngritja e dukshmërisë së Maqedonisë së Veriut në korniza botërore; krijim i rrjetit të kontakteve të biznesit dhe mundësi për rritje të bashkëpunimit ekonomik me numër të madh të vendeve nga rajone të ndryshme të botës; tërheqje e investimeve të huaja, lehtësim i qasjes drejt tregjeve përfituese botërore”, thekson Osmani. 

Related posts

Merr hov fushata e vaksinimit në Maqedoninë e Veriut

D V

Zaevi “pishman”: Diaspora nuk do të përfshihet në numrin e përgjithshëm të popullatës rezidente

Redaksia

“Forumi Bled në Hijen e Ballkanit të Hapur”. Vuçiç: Mirë se vini”

D V

This website uses cookies to improve your experience. We'll assume you're ok with this, but you can opt-out if you wish. Accept Read More