Agjencia Zhurnal.mk
Shëndetësi TOP LAJM

Osmani në takim online me një grupë të ish deputetëve evropianë

Shkup, 6 tetor – Zhurnal.mk – Ministri i Punëve të Jashtme, Bujar Osmani, realizoi video konferencë me një grup ish-eurodeputetësh, anëtarë të Shoqatës së ish-eurodeputetëve,

Siç të ditur MPJ-ja, Osmani i falënderoi pjesëmarrësit për interesin e madh për të realizuar një vizitë të këtillë në Maqedoninë e Veriut edhe krahas këtyre rrethanave me Covid-19. Ai theksoi se angazhimi i anëtarëve të Shoqatës së ish-eurodeputetëve në promovimin e standardeve dhe vlerave evropiane është i dukshëm dhe lartë i vlerësuar, si dhe mbështetja e tyre e fuqishme ndaj perspektivës evropiane të vendit. Në këtë kontekst u përshëndet lobimi i fuqishëm për fillimin e negociatave aderuese të BE-së me Maqedoninë e Veriut në kuadër të Presidencës gjermane me BE-në deri në fund të këtij viti.

“Kisha vizitë intensive dhe të frytshme në Bruksel javën e kaluar, gjatë së cilës u takova me eurodeputetë me ndikim, përfaqësues të grupeve të ndryshme politike në Parlamentin Evropian. Nga ana e tyre pa mëdyshje u konfirmua mbështetja e fuqishme për perspektivën evropiane të Maqedonisë së Veriut, vazhdimi i papengueshëm i Agjendës evropiane të vendit, miratimi i kornizës negociuese dhe organizimi i Konferencës së parë ndërqeveritare deri në fund të këtij viti”, tha Osmani.

Ministri Osmani i informoi deputetët për përcaktimin e fuqishëm të vendit tonë për anëtarësim në Union, si dhe gatishmërinë për zbatimin e reformave të cilat do të na afrojnë deri te ky qëllim.

“Ky takim koinçidon me publikimin e Raportit vjetor të Komisionit, si dhe me planin ekonomik-investues për Ballkanin Perëndimor, të cilat do t’i prezantojë Eurokomisioneri Varheji. Ne jemi të përkushtuar dhe po punojmë angazhim të fuqishëm në plotësimin e prioriteteve reformuese që mbajnë simbolin e BE-së, me theks në sundimin e ligjit, si dhe në të gjitha përgatitjet politike dhe administrative-teknike për finalizimin e strukturës negociuese deri në fund të vitit”, konkludoi Osmani.

Shoqata e ish-eurodeputetëve paraqet asociacion të më shumë se 800 ish-eurodeputetëve nga të gjitha vendet e BE-së dhe me përfaqësimin e të gjithë spektrit politik.

Postime të ngjashme

Heshtje në BDI për dorëheqjen e Mexhitit?

R Zh

Koalicioni ASH-AA do të bllokojnë çdo ligj që do të vijë në Kuvend nga ana e Qeverisë, thotë Rexhepi

R Zh

Izet Mexhiti tërhiqet nga pozita koordinator i grupit të deputetëve të BDI-së

T E

Shkaku i Bullgarisë, Shqipëria le pas Maqedoninë e V. në rrugën drejtë BE-së

R Zh

Nuk janë paraparë masa të reja për kafiteritë, por nuk përjashtohet asgjë

Z H

Mësoni arsyet pse duhet konsumuar një gotë ujë çdo mëngjes

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...