Agjencia Zhurnal.mk
Maqedoni

Osmani në takimin virtual të Aleancës për multilateralizëm, në margjinat e Asamblesë së Përgjithshme të 75-të të Kombeve të Bashkuara

Shkup, 25 shtator – Ministri i Punëve të Jashtme i Republikës së Maqedonisë së Veriut, Bujar Osmani, mori pjesë në takimin virtual të Aleancës për multilateralizëm, në organizim të ministrit francez për Evropë dhe Punë të Jashtme, Zhan-Iv Le Drian dhe ministrit të Jashtëm federal të RF të Gjermanisë, Haiko Maas, në margjinat e Asamblesë së Përgjithshme të 75-të të Kombeve të Bashkuara.

“Si vendi anëtar i 30-të i NATO-s dhe si vend në pritje të fillimit zyrtar të negociatave për aderim në BE deri në fund të vitit, Maqedonia e Veriut me përkushtim të ri dhe me vendosmëri do t’i vazhdojë angazhimet për promovimin e sigurisë, stabilitetit dhe zhvillimit të qëndrueshëm, globalisht dhe në nivel rajonal, së bashku me aleatët dhe partnerët e saj”, theksoi Ministri Osmani, duke e riafirmuar përkushtimin e vendit kundrejt bashkëpunimit multilateral, si një ndër prioritetet kyçe të politikës së jashtme të Maqedonisë së Veriut.

Në takimin e ministrave kushtuar përforcimit të multilateralizmit, u shpreh mbështetje e fuqishme ndaj bashkëpunimit ndërkombëtar, rendit juridik ndërkombëtar dhe institucioneve ndërkombëtare, në funksion të tejkalimit të përbashkët dhe të koordinuar të sfidave globale, me fokus të veçantë në pandeminë. Gjithashtu u shqyrtuan më shumë iniciativa në kontest të bashkëpunimit ndërkombëtar në segmentin e shëndetësisë, ndryshimeve klimatike, sigurisë kibernetike dhe aspekteve gjinore.

Përndryshe, Maqedonia e Veriut u bë pjesë e Aleancës për multilateralizëm në vitin 2019. 

Postime të ngjashme

Premtime të rrejshme me afatet për kontestin maqedono-bullgar

R Zh

Carovska mori pjesë në promovimin e studentëve të diplomuar të gjeneratave të reja në Universitetin e Evropës Juglindore

R Zh

Regjistrohen 21 persona me Kovid-19, një i vdekur dhe shtatë të shëruar

R Zh

Spasovski: Ballkani në BE më lehtë do ta mbrojë Evropën nga krimi

R Zh

Kryeministri Zaev hap zyrë në Strumicë për takime me qytetarë

R Zh

Angelovska-Bezhoska: Rritja e produktivitetit, investimi në kapitalin njerëzor, reformat strukturore dhe digjitalizim për rritje stabile ekonomike

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...