Osmani nga Gjermania fillon turne intensiv diplomatik

Shkup, 3 tetor – Ministri i Punëve të Jashtme, Bujar Osmani, nga nesër fillon një turne të ri diplomatik, duke përshkuar metropole të rëndësishme: Berlin, Varshavë dhe Bled (Slloveni), për takime bilaterale dhe ngjarje të rëndësishme ndërkombëtare.

Siç njofton MPJ-ja, nga dita e nesërme, Osmani do të jetë në vizitë pune në Republikën Federale të Gjermanisë, ku do të ketë takime me Ministrin e Punëve të Jashtme, Hejko Mas, si dhe Ministrin e Shtetit për Evropën, Mihael Roth.

Qëllimi i vizitës është vazhdimi i dialogut të lartë politik me Gjermaninë, por edhe riafirmimi i pozicioneve gjermane lidhur me dosjen tonë evropiane, veçanërisht në vigjilje të Samitit BE-Ballkani Perëndimor, që do të mbahet në Slloveni.

Nga Berlini, Osmani do të shkojë në Poloni, ku do të marrë pjesë në “Forumin e Sigurisë në Varshavë”.

Në Varshavë, Osmani do të takohet me homologun e tij polak, ministrin, Zbignie Rau, por edhe me Ministrin e Jashtëm finlandez, Peka Havisto dhe me përfaqësues të tjerë të rëndësishëm politikë,  aktivë në fushën e sigurisë dhe marrëdhënieve transatlantike.

Të mërkurën, Osmani do t’i bashkohet delegacionit shtetëror, të kryesuar nga Kryeministri, për të marrë pjesë në Samitin BE-Ballkani Perëndimor në Bërdo të Kranjës, Slloveni.

Related posts

Stoev: Formimi i partisë së bullgarëve në Maqedoninë e Veriut është mënyra e vërtetë për mbrojtjen e të drejtave të tyre

D V

Zaevi do të marrë pjesë në panelin e liderëve në Forumin strategjik në Bled të Sllovenisë

Z H

Takim i Mickoskit me ambasadorin izraelit, Orijan

D V

This website uses cookies to improve your experience. We'll assume you're ok with this, but you can opt-out if you wish. Accept Read More