Agjencia Zhurnal.mk
Bota

Pa kaluar mirë festat! Anekënd botës ashpërsohen masat antiCovid

Shtetet në mbarë botën po ashpërsojnë masat kundër koronavirusit, teksa vaksinimi ka nisur në Evropë, Shtetet e Bashkuara dhe në vende të tjera.

Me shtimin e rasteve te reja, vende te ndryshme po vendosin kufizime nen presionin e përhapjes së variantit të ri të koronavirusit, i cili është më i transmetueshëm. Gjermania pritet ta vazhdojë izolimin ne nje kohe kur guvernatorët e shteteve pritet të takohen me kancelaren, Angela Merkel javën e ardhshme. Masat e vendosura në këtë shtet, që prej mesit të dhjetorit të vitit të kaluar, kanë dështuar të frenojnë përhapjen e virusit.

“Duke pasur parasysh numrin e lartë të rasteve, është e rëndësishme që të zgjerojnë kufizimet dhe masat”, tha një ditë më parë, ministri gjerman i Shëndetësisë, Jens Spahn.

Numri mesatar i infektimeve të reja në 100,000 banorë për një javë, në Gjermani është 140, pothuajse tre herë më i lartë sesa që kishte planifikuar qeveria që të lehtësojë masat. Shtete te tjera në Evropë po ashtu po ashpërsojnë masat. Franca e zgjeroi orën policore në 15 rajone për të luftuar rritjen e rasteve të reja. Qeveria ka urdhëruar që kjo masë të aplikohet në zonat që janë në kufi me Gjermaninë, Belgjikën dhe Zvicrën.

Greqia po ashtu ka vazhduar masën e izolimit deri më 10 janar, duke mbyllur parukeritë, libraritë dhe kishat. Në Mbretërinë e Bashkuar, ku u identifikua fillimisht varianti i ri i koronavirusit, për të pestën ditë me radhë është shënuar një numër rekord i infektimeve ditore. Në 2 janar atje pati 57,725 raste të reja.

Në Tokio të Japonisë, guvernatori kërkoi nga qeveria që të shpallë gjendje të jashtëzakonshme. Në Shtetet e Bashkuara – shtetin e goditur më rëndë prej pandemisë – janë regjistruar mbi 200,000 infektime brenda ditës dhe 2,600 viktima. Epiqendra e shpërthimeve të reja të virusit në SHBA është Kalifornia, ku spitalet janë të stërmbushura me pacientë.

Postime të ngjashme

SHBA, zhduket gripi mes pandemisë së COVID-19-s

T E

Arriti në Gjermani para 6 vjetësh, tani emigranti kërkon të bëhet deputet

T E

OBSH: Mbi 850 mijë vdekje në të gjithë Evropën

T E

Ndërhyn Putin: Tensione në Armeni – dorëheqje, raketa … presidenti ka tre ditë

T E

Albin Kurti reagon për sulmin ndaj gazetarit, Visar Duriqi

T E

Rriten numrat me Covid-19 në Itali, disa qytete rrezikojnë mbylljen

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...