Agjencia Zhurnal.mk
Bota

Pakistan, fillon stërvitja detare shumëkombëshe

Rreth 45 vende, përfshirë Turqinë, SHBA-në dhe Rusinë, po marrin pjesë në stërvitjen njëjavore.

Një stërvitje detare shumëkombëshe e organizuar nga Pakistani ka filluar në Detin Arabik, transmeton Anadolu Agency (AA).

Me pjesëmarrjen e rreth 45 vendeve, duke përfshirë SHBA-në, Rusinë, Kinën dhe Turqinë, stërvitja, e cila mbahet çdo dy vjet që nga viti 2007, filloi me një ceremoni të ngritjes së flamurit.

Kjo është hera e parë që Rusia bashkohet në një stërvitje ushtarake me anëtarët e NATO-s pas një dekade. Një rast i tillë ndodhi për herë të fundit në vitin 2011, në stërvitjen “Bold Monarch 2011” në brigjet e Spanjës.

Organizuar nën parullën “Së bashku për paqen”, Marina e Pakistanit tha se stërvitja ka për qëllim “nxitjen e bashkëpunimit ndërkombëtar për të luftuar piraterinë, terrorizmin dhe krime të tjera” të cilat përbëjnë një kërcënim për sigurinë dhe stabilitetin detar.

Vendet rajonale si Bangladeshi, Sri Lanka dhe Indonezia, si dhe vendet e Bashkimit Afrikan, po marrin pjesë me “asetet sipërfaqësore dhe ajrore” dhe ekipet detare të tyre, tha Marina e Pakistanit.

Duke folur në ceremoninë e fillimit, Kundëradmiral Naveed Ashraf, komandanti i Flotës së Pakistanit, tha se stërvitja do të ndihmojë në përmbushjen e sfidave detare dhe sigurimin e një mjedisi të sigurt detar në Oqeanin Indian.

Stërvitja do të zgjasë deri më 17 shkurt.

Postime të ngjashme

SHBA dëbon 24 diplomatë rusë

D V

Pashinyan merr sërish mandatin për krijimin e qeverisë së re

D V

Gjermania lejon një dozë përforcuese të vaksinës kundër COVID-19

D V

Situatë e rëndë me zjarret në Greqi

D V

Miliona evropianë nuk kanë para për pushime verore

D V

Roja i kampit nazist do të dalë para gjykatës në Gjermani

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...