Agjencia Zhurnal.mk
Bota

Pamje të kapura nga kamera: Momenti kur një ushtar australian qëlloi për vdekje një afgan të paarmatosur që po fshihej në një fushë

Ministrja e Mbrojtjes e Australisë tha sot se një raport për krimet e pretenduara të luftës nga forcat speciale në Afganistan e kishte bërë atë ‘të ndjehej keq’, pasi disa pamje thuhet se treguan një ushtar të SAS qëlloi një burrë të paarmatosur ndërsa po fshihej në një fushë.

Sipas mediave të huaja, përcjell Telegrafi, Linda Reynolds tha se ajo ishte “plotësisht e tronditur dhe plotësisht e dëshpëruar” pasi hetimi katër-vjeçar gjeti prova se trupat australiane kishin vrarë 39 civilë dhe të burgosur të paarmatosur gjatë luftës së udhëhequr nga SHBA në Afganistan.

Dhe mijëra ushtarë të dekoruar tani mund të përballen me heqjen e medaljeve pasi raporti prej 465 faqesh tha se komandantët që mbikëqyrnin mizoritë nuk munden që “me ndërgjegje” të mbanin çmimet e tyre.

Incidenti në video thuhet se ishte një nga rrëfimet e shumta të brutalitetit të forcave speciale që kanë dalë në dritë vitet e fundit, megjithëse nuk ishte e qartë nëse të shtënat në fushën e grurit ishin një nga ato të vëzhguara nga hetimi i gjeneral-major Paul Brereton.

Brereton shqyrtoi me kujdes sjelljen e ushtarëve të forcave speciale midis 2005 dhe 2016, një periudhë e cila pa më shumë se 26,000 australianë të shërbenin në Afganistan.

Postime të ngjashme

Evropianët nga vera mund të udhëtojnë me pasaporta të Covid-19

S.B.

Franca ndryshon qëndrimin për vaksinën AstraZeneca

S.B.

Ministrat e Azisë Juglindore kërkojnë dialog me ushtrinë e Mianmarit

S.B.

Japonia: Kina të ndalojë testime poshtëruese ndaj japonezëve

S.B.

Vaksina kundër koronavirusit të ri, kushti kryesor për haxh

S.B.

Zelandë e Re, mbyllet Auckland, shkak një infeksion i ri i koronavirusit

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...