Bota

Pamjet/ Avionët përplasen në ajër, rrëzohet një F-35B me vlerë 100 mln dollarë

Një aksident ajror është regjistruar në Kaliforni ku një avion luftarak F-35B u rrëzua pranë detit Salton

Ngjarja e rëndë u regjistrua pasditen e së martës ku gjatë fluturimit avioni luftarak F-35B u përplas në ajër me një avion cisternë KC-130J, duke e detyruar këtë të fundit të bënte ulje emergjente.

Për fat të mirë, piloti i avionit luftarak arriti të shpëtojë pasi u hodh me parashutë, përpara se F-35B të përplasej në tokë dhe të shpërthente në flakë.

Avioni luftarak F-35B është tepër i kushtueshëm pas përllogaritet që vlera e tij të kap një shifër prej 100 milionë dollarë. Ndërkohë, avioni KC-130J bëri ulje të detyruar në një fushë dhe asnjëri prej 8 pjesëtarëve të ekuipazhit nuk pësoi lëndime.

Sipas asaj që shkruajnë mediat e huaja përplasja erdhi kur F-35B pati kontakt në ajër me KC-130J, gjatë një tentative për t’u furnizuar me karburant.

Autoritetet amerikane kanë nisur një hetim për zbulimin e shkakut të këtij aksidenti ajror, i cili u mbyll fatmirësisht pa viktima, por me shkatërrimin e avionit luftarak F-35B.

Postime të ngjashme

Doktori i Trump: Presidenti është gati që t’iu rikthehet angazhimeve publike

admin

Donald Trump: Po vjen fitorja jonë

S.B.

Bugajski: Bosnja është “Nagorno – Karabakhu” i Ballkanit

S.B.
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...