Agjencia Zhurnal.mk
Kuriozitete

Pamjet spektakolare të NASA-s duke prekur një asteroid

Dje, nga një distancë prej më shumë se 320 milionë kilometra larg, shkencëtarët e NASA-s pilotuan një anije kozmike për të prekur butësisht një asteroid që rrotullohej, duke mbledhur një mostër rrënojash sipërfaqësore për t’i kthyer në Tokë.

Në ora 18:08, sinjali nga anija kozmike OSIRIS-REx arriti në Tokë për të na lënë të dimë që asteroidi Bennu, ishte prekur me sukses nga anija e NASA-s, transmeton Telegrafi.

Dje, transmetimi i drejtpërdrejtë i ngjarjes i NASA-s tregoi një animacion CG të prekjes, pasi shkalla e transferimit të të dhënave OSIRIS-REx është vetëm 40 bit për sekondë – shumë e ulët për një transmetim të drejtpërdrejtë të videos.

Por anija ishte duke fotografuar procesin, dhe tani ato imazhe kanë mbërritur.

SamCam bëri fotografi çdo 1.25 sekonda, gjë që do t’i lejojë shkencëtarët për të studiuar performancën e anijes.

Videoja përbëhet nga 82 fotografi, duke mbuluar një periudhë pesë minutëshe nga një lartësi prej rreth 25 metrash.

“Pas kontaktit fillestar, TAGSAM duket se shtyp disa nga shkëmbinjtë porozë nën të”, shkroi astronomja dhe shkencëtarja OSIRIS-REx, Brittany Enos, nga Universiteti i Arizonës në një postim të NASA-s.

TAGSAM është krijuar për të mbledhur materiale.

Mostra e kthyer, aq shumë e kërkuar, do të jetë e paçmueshme.

Shkencëtarët shpresojnë të përdorin përbërjen kimike për të informuar strategjitë e shmangies së përplasjes së asteroideve për Tokën, dhe për të hetuar mundësitë e minierave të asteroideve.

https://youtu.be/LJBv4reH9IU

Postime të ngjashme

Ko Panyi: Një fshat lundrues mysliman në Tajlandë, me xhami dhe fushë sportive

S.B.

U fut me shpejtësi në një “pellg” me një SUV të shtrenjtë, por nuk shkoi mirë

S.B.

Bebja panda bëhet virale, nuk do të ndahet nga kujdestari i saj

S.B.

Ndodh edhe kjo: Qytetari mbyll derën me silikon të mos i futet uji

S.B.

Gjendet në Kinën qendrore një sistem antik i ujit

Z H

E zë të bijën duke derdhur qumështin nga shishja, kur e thërret – njëvjeçarja shtiret kinse është duke fjetur

S.B.

This website uses cookies to improve your experience. We'll assume you're ok with this, but you can opt-out if you wish. Accept Read more...