Agjencia Zhurnal.mk
Kuriozitete

Pamjet u shpërndanë gjithandej: Arrestohen disa gra, pasi u zhveshën për të pozuar në ballkonin e një ndërtese në Dubai

Policia në Dubai arrestoi një grup njerëzish nën akuzat e “shthurjes publike”, thanë autoritetet, mbi një video të shpërndarë gjerësisht që tregonte disa gra lakuriq duke pozuar në një ballkon në qytet.

Sipas mediave të huaja, përcjell Telegrafi, shkeljet e ligjit të mirësjelljes publike në Emiratet e Bashkuara Arabe, përfshirë lakuriqësinë dhe sjellje të tjera të pahijshme, kanë dënime deri në gjashtë muaj burg dhe një gjobë prej 5,000 dirham (1,360 dollarë).

Ndarja e materialit pornografik është gjithashtu e dënueshme me kohë burgimi dhe gjobë të majme sipas ligjeve të vendit.

Ndryshe, të shtunën vonë, disa pamje që përshkruajnë një duzinë grash të zhveshura, të rreshtuara në një ballkon ndërsa po filmoheshin në lagjen e pasur të Dubait në dritën e diellit, u shpërndanë në mediat sociale.

Gazeta e lidhur me shtetin “The National” raportoi se dukej të ishte një marifet publiciteti, pa dhënë hollësi.

Ndërkohë Policia e Dubait tha se të arrestuarit për videon e pahijshme ishin referuar në prokurorinë publike.

Emiratet e Bashkuara Arabe, megjithëse liberale në shumë aspekte krahasuar me fqinjët e saj në Lindjen e Mesme, kanë ligje të rrepta që rregullojnë “të shprehurit”.

Njerëzit janë burgosur për komentet dhe videot e tyre në internet.

Veç kësaj, kompanitë më të mëdha shtetërore të telekomit të vendit bllokojnë qasjen në faqet e internetit kryesore pornografike.

Postime të ngjashme

Porsi skenë e ndonjë përralle – Shtëpiza parajse në xhungël të Kostarikës

Dafina Vidishiqi

Veprimet e udhëheqësve që e dëmtojnë moralin e vartësve

Dafina Vidishiqi

Një grua lë punën e saj për ta kthyer një furgon të vjetër në “shtëpinë e saj të ëndrrave”

Dafina Vidishiqi

Kongresmeni amerikan harron që ka kamerën e ndezur – tregon se nuk kishte pantallona gjatë një takimi virtual

Dafina Vidishiqi

Të jetuarit sipas mënyrës Zen – 5 gjëra që duhet të dini

Lea Muslija

16 shtetet që kanë nisur të përdorin pasaportën COVID për të udhëtuar në BE

Lea Muslija

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...