Shkup, 3 prill – Panel-diskutim ” Verifikim i burimeve për luftë kundër dezinformatave dhe manipulimeve mediatike” do të mbahet sot në Shkup në kuadër të projektit “Verifikimi i fakteve para publikimit në luftën kundër dezinfrmatave”, i mbështetur nga Ambasada e SHBA-së.
Në panel-diskutim, siç njoftojnë nga Qendra për zhvillim të mediave, do të prezantohet “Manuali për verifikim të dezinformatave dhe manipulimeve mediatike”, botim i Qendrës evropiane të gazetarisë (European Journalism Centre). Përkthimi i manualit, në gjuhën shqipe dhe maqedonase, është përgatitur në kuadër të këtij progami.
Folësit në panel-diskutim, gazetarë me përvojë dhe praktikantë në fushën e verifikimit të fakteve dhe ekspozimit të dezinformatave, do të flasin për aspekte të ndryshme të verifikimit të informacioneve dhe verifikimit të faktve, si dhe për rolin e mejnstrim mediave në luftën kundër dezinformatave.