Kosovë

Pas Shtëpisë së Bardhë, bisedimet vijojnë në Bruksel, mbahet sot takimi i nivelit të lartë Kosovë-Serbi

Zhurnal Ads

Në Bruksel sot, me takimin e kryeministrit të Kosovës, Avdullah Hoti dhe presidentit serb Aleksandar Vuçiq, vazhdon dialogu midis Prishtinës dhe Beogradit për normalizimin e marrëdhënieve nën patronatin e BE-së.

Nikoqir i takimit është shefi i diplomacisë evropiane Josep Borrell dhe emisari special i BE-së për dialogun, Mirosllav Lajçak.

Si pjesë e marrëveshjes gjithëpërfshirëse për normalizimin e marrëdhënieve midis Kosovës dhe Serbisë, takimi, i cili është planifikuar të fillojë në ora 10:00 do të trajtojë rregullimet e komunitetit joshumicë dhe zgjidhjen e kërkesave të ndërsjella financiare/pronave.

Shefi i diplomacisë evropiane Josep Borrell do të japë një deklaratë për shtyp përpara fillimit të takimit dhe përfaqësuesi special i BE-së Mirosllav Lajçak në fund të takimit. Të dy deklaratat do të transmetohen në kanalet e Këshillit dhe EbS, rreth orës 10:30 dhe deklarata e diplomatit sllovak pas përfundimit të takimit.

Kryeministri i Kosovës Hoti, njoftoi se do të diskutojë sot me Vuçiqin marrëveshjen përfundimtare mbi njohjen e ndërsjellë dhe normalizimin e marrëdhënieve midis Kosovës dhe Serbisë.

Koordinatori shtetëror i Kosovës për dialogun me Serbinë, Skënder Hyseni, ka bërë të ditur nga Brukseli të dielën, se ka përafrim të qëndrimeve të palës serbe dhe asaj kosovare për arritjen e një marrëveshjeje gjithëpërfshirëse për njohje reciproke.

“Jemi afër, sot kanë qenë pak konstruktive këmbimet, qëndrimet, mendimet dhe sidoqoftë ka mbetur shumëçka për të rrumbullakuar nesër në nivel të lartë. Sonte do të diskutojmë edhe veç e veç çështjet që kanë mbetur më kontestuese. Ka përafrim të dukshëm të qëndrimeve për ato që po i quaj elemente të një marrëveshjeje gjithëpërfshirëse për njohje reciproke”, tha Hyseni.

Dialogu ndërmjet Kosovës dhe Serbisë rinisi në Bruksel më 16 korrik. Në takimet e zhvilluara së fundi në Bruksel, është diskutuar për të zhvendosurit, të pagjeturit dhe bashkëpunimin ekonomik.

Postime të ngjashme

Koci: Dritan Abazoviq, a do të ketë siguri në Mal të Zi

admin

Gashi: Sa mund t’i besohet Gjykatës Speciale? Si mund të dalin dokumente kaq të ndjeshme?

admin

Mustafa-Lajçakut: Asociacioni do të themelohet vetëm sipas ligjeve të Kosovës

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...