Agjencia Zhurnal.mk
Shqipëri

“Paturpësi”, Spiropali i përgjigjet opozitës dhe ‘thumbon’ Metën: Nuk mund të fshihen viktimat e Covid-19, të vdekurit s’janë kaseta

Ministrja e Shtetit për Marrëdhëniet me Parlamentin, Elisa Spiropali, kujtoi nga foltorja e Kuvendit tragjedinë e një viti më parë, kur Shqipëria u godit nga tërmeti i fuqishëm që la pas 51 viktima dhe qindra ndërtesa të shkatërruara.

Në fjalën e saj, ministrja Spiropali iu përgjigj dhe akuzave të opozitës për fshehjen e numrit të viktimave nga koronavirusi, duke u shpreh se një gjë e tillë nuk mund të ndodhë.

“Sot në 1-vjetorin e tërmetit tragjik, nuk mund të mos ndjejmë dhe nuk mund të mos përjetojmë edhe njëherë dramën e madhe të rënduar edhe nga situata e këtij viti, ku vdekja na ka cikur kaq pranë, na ka ardhur te të afërmit tanë, te të dashurit, te profesionistët. Vetëm dje humbëm dy mjekë të dashur dhe një profesoreshë, dhe shumë të tjerë, që në këtë bilanc vdekjesh tingëllojnë si një bilanc lufte. Në këto momente do donim ta përballonim si shoqëri, si qeveri, me dinjitet këtë situatë dhe besoj këtë kemi bërë, jo vetëm duke alokuar buxhet, që e kemi për detyrë, por edhe si njerëz, si profesionistë, qytetarë e politikanë, duhet të jemi të kujdesshëm me fjalët tona, se fjalët vrasin. Nuk mund të vë në dukje se sa pa dinjitet është përballur opozita me këtë situatë. Jepen opinione lloj-soj mbi situatën, pa asnjë kujdes mbi bilancin ku jemi. Qeveria ka tre strategji deri më tani, që po i zbaton pikë për pikë, përfshirë dhe skenarët e rëndë të vjeshtë-dimër për të cilët jemi përgatitur.

Nuk mund të mos jap një përgjigje për akuzën e rëndë se të vdekurit po fshihen. Të vdekurit nuk janë kaseta, nuk mund të fshihen. Në fillim të pandemisë thonin se po shtohen të vdekurit për të marrë fonde nga BE, tani në mënyrë të turpshme po thonë se po i fshehim. Kjo është paturpësi. Fotot që dolën nga morgu ishin skenar i përgatitur, i paralajmëruar. Cila opozitë në botë nxjerr foto nga morgu në një situatë të tillë, kur njerëzit janë të ngarkuar psikologjikisht. Shkuan deri aty sa kërcënuan se do ta cojnë në Prokurori, po le të shkojnë në Prokurori. Janë aty për të bërë luftë për karrige, por nuk merret pushteti me dhunë. T’i lëmë të vdekurit të prehen, t’i lëmë familjarët të qetësohen, ne do të vazhdojmë punët tona dhe të gjithë bashkë do ja dalim. Është një kohë për të reflektuar që politika nuk mund ta bëjë shoqërinë copa”, tha Spiropali.

Postime të ngjashme

850 mijë! Rama bën bilancin e të vaksinuarve në vendin tonë

Dafina Vidishiqi

SHBA dhuron 1 milionë dollarë pajisje mjekësore për Shqipërinë

Dafina Vidishiqi

Asnjë viktimë nga COVID-19 në Shqipëri, vetëm 7 raste të reja

Dafina Vidishiqi

Tre variantet e vendimit për Metën, Kushtetuesja mund t’i drejtohet edhe komisionit të Venecias

Dafina Vidishiqi

Rama takon Sarkozyn në Paris: Privilegj të këshillohem me të për sfidat e Shqipërisë

Dafina Vidishiqi

Meta dhe Rama e përshëndetën vendimin e Holandës për hapje të negociatavе të Shqipërisë me BE-në

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...