PD reagon pas takimit të Ramës me kryebashkiakët: Nuk është gjë tjetër veçse një nivel i ri i teatrit të absurdit

Partia Demokratike e cilëson një shfaqje tallëse takimin e kryeministrit Edi Rama me kryebashkiakët.

 

Në një deklaratë për mediat, deputetja e zgjedhur e kësaj partie, Dhurata Çupi shprehet se të dëgjosh kreun e qeverisë që bën moral për tenderat dhe korrupsionin, nuk është gjë tjetër veçse një nivel i ri i teatrit të absurdit.

“Pas shfaqjes tallëse të ditës së djeshme me policinë, sot Rama dhuroi shfaqjen e radhës me drejtuesit e komanduar të pushtetit vendor. ‘Bëni si them unë por mos bëni si bëj unë’ u tha Rama të emëruarve të tij në bashkitë e vendit. Natyrisht qytetarët shqiptarë e dinë se njerëzit e ndershëm të mbledhur në atë sallë numërohen në gishtat e një dore, megjithatë të dëgjosh Ramën që bën moral për tenderat dhe korrupsionin, nuk është gjë tjetër veçse një nivel i ri i teatrit të absurdit. Sepse shkelësi i ligjit nuk mund të vendosë drejtësi aq më pak kritere ndershmërie në zbatimin e ligjeve mbi prokurimet publike. Qeveria Rama, në kundërshti me çdo normë kushtetuese dhe ligjore, ka miratuar 9 ligje të bëra apostafat për klientët pranë kryeministrit. Duke e kthyer kështu korrupsionin në nivelin e kapjes së shtetit, sikurse vërtetohet nga raportet e ‘Transparency International’”.

Çupi tha se çdo tender sot jepet pa garë, me një dëm ekonomik të vërtetuar nga KLSH në nivelin e 7 miliardë eurove.

“Qeveria Rama është kampione e Prokurimeve Publike të dhëna pa garë; 30% e prokurimeve publike në vend jepen pa garë që nga viti 2014. Fakt i provuar nga Komiteti Auditues i BE-së që 1 ne 3 jepet pa gare dhe kjo nuk ka lidhje me pushtetin vendor por me te gjithë qeverisjen Rama. Çdo tender sot jepet pa gare, me 99 perq te vleres limit dhe me nje dem ekonomikte vertetuar nga klsh ne nivelin e 7 miliard euro. E pra të dashur qytetarë, ai që bëri një ligj antikushtetues për shembjen e teatrit, me emër dhe mbiemër të ortakut me të cili do rrëmbente pronë publike, ai që falsifikoi firmë e Sekretartit të Shtetit të Delaëare për të vjedhur 20 milionë euro për një kilometër rrugë, ai që i kontraktoi miliona euro me kontrata sekrete, ai që praktikat korruptive nuk i ndali as në kohë pandemie dhe as gjatë fatkeqësisë së tërmetit, ai që e renditi Shqipërinë të dytën në botë për nivelin e ryshfetit, sot po përpiqet të lajë duart me korrupsionin, duke bërë koka turku ushtarët e tij nëpër bashki. Fatkeqësia e Ramës është se nuk i gënjen dot më qytetarët. Shqiptarët e ndiejnë në xhepat e tyre, në tryezat e tyre peshën e korrupsionit që ka varfëruar çdo familje dhe e ka bërë edhe më të zymtë perspektivën europiane të Shqipërisë. Shqiptarët e dinë që peshku qelbet nga koka dhe se një regjim që vjedh zgjedhjet nuk mund të ofrojë gjë tjetër veçse një qeverisjes të korruptuar.”

Related posts

Rama: Në këtë mandat qeverisës do të lobojmë për njohjen e Kosovës

D V

Hotel, pishinë e njësi shërbimi/ SPAK kërkon konfiskimin e pasurive të Gerti dhe Armand Markut, në kërkim ndërkombëtar për trafik droge

D V

Vendimi i parë i qeverisë shqiptare: Jo më udhëtime në biznes klas

Lea Muslija

This website uses cookies to improve your experience. We'll assume you're ok with this, but you can opt-out if you wish. Accept Read More