Pedro futet në histori të derbit, ka shënuar gola me të dyja skuadrat

Derbi i kryeqytetit italian mes Lazios dhe Romës i ka takuar bardhekaltërve me rezultat 3-2.

Ka qenë një ndeshje e jashtëzakonshme me gola, kartonë e raste diskutabile.

Por ajo që e ka bërë më të veçantë këtë derbi është goli i sulmuesit spanjoll Pedro Rodriguez.

Veterani iu bashkua Biancocelestëve këtë verë si lojtar i lirë, pasi prishi marrëveshjen me Romën.

Por spanjolli nuk e kishte problem t’i shënonte ish-skuadrës e tij, madje edhe të festonte golin.

Pedro është futur në histori të derbit, pasi bëhet vetëm lojtari i tretë që shënon me dy skuadrat në derbi.

Para tij këtë gjë e ka arritur mbrojtësi serb Aleksandar Kolarov, që i shënoi dy gola Lazios me fanellën e Romës në vitet 2018 dhe 2019, ndërsa më parë u kishte shënuar Giallorosëve me fanellën e Lazios në vitin 2009.

Futbollisti i tretë që ka arritur këtë statistikë është Arne Selmosson, i pari që ka shënuar me të dyja skuadrat në ndeshjet derbi. Suedezi ka qenë pjesë e Lazios në vitet 1955-1958 dhe më pas pjesë e skuadrës verdhekuqe nga 1958-1961.

Related posts

Atletico Madrid shpreh interesim për Lacazetten

D V

Leonardo Bonucci zbulon ndikimin negativ të Cristiano Ronaldos te Juventusi

D V

Prodhuesi i PES-it të ri vjen me deklaratë, pas kritikave të mëdha rreth lojës

D V

This website uses cookies to improve your experience. We'll assume you're ok with this, but you can opt-out if you wish. Accept Read More