Shkup, 8 shtator – Presidenti i shtetit, Stevo Pendarovski ka pasur paraqitje në manifestimin qendror për shënimin e 30-vjetorit të Pavarësisë së Maqedonisë së veriut.
Ka porositur se duhet të ndërtohet një shtet ku do të sundojë drejtësia, ku arsimi cilësor do të përgatisë të rinjtë për revolucionin digjital global, në sistemin shëndetësor, në kulturën dhe trashëgiminë historike, ku qytetarët do të ndjejnë se kanë të drejta të barabarta.
Të gjitha këto thotë se duhet të realizohen, pasi nuk kemi atdhe rezervë.
“Ne nuk kemi atdhe rezervë. Kjo është shtëpia jonë e përbashkët dhe e vetme dhe duhet të jetë një vend i denjë për jetë, vetëm nëse secili prej nesh e jep mundin e vet dhe ndërgjegjen e tij”, tha mes tjerash Pendarovski, transmeton TV21.
