Maqedoni TOP LAJM

Pendarovski: Vetëm nëse shteti kujdeset për secilin qytetar të tij, do të ketë shpresë për Republikën e Maqedonisë së Veriut

Zhurnal Ads

Shkup, 23 tetor, zhurnal.mk – Maqedonia shënon 23 Tetorin – Ditën e Luftës Revolucionare Maqedonase. Sot është një festë kombëtare dhe një ditë jo pune për të gjithë qytetarët. Presidenti Sevo Pendarovski u uroi festën qytetarëve dhe tha se në këtë ditë ne kujtojmë themeluesit e lëvizjes revolucionare maqedonase, të cilët udhëhiqeshin nga idealet dhe parimet e drejta.

“Këto ishin ideale për një republikë të lirë maqedonase, bazuar në parimet demokratike, në të cilën do të ketë bashkëjetesë midis bashkësive të ndryshme etnike, fetare dhe gjuhësore. Ata u ndoqën nga Ilindenët dhe antifashistët që luftuan për lirinë dhe shtetësinë tonë.

Sot, 127 vjet më vonë, është detyra jonë e brezave jo vetëm të ruajmë përfitimet e paraardhësve tanë, por edhe të hedhim hapin tjetër. Të ndërtojmë Republikën e Maqedonisë së Veriut në një vend të përparuar Evropian me institucione funksionale dhe të përgjegjshme, shtetin e së drejtës dhe një shoqëri të lirë dhe gjithëpërfshirëse”, deklaroi Pendarovski.

Presidenti thotë se këtë vit, ne e festojmë festën në kushtet e një pandemie globale me COVID-19, e cila na kujtoi se sa i ndërthurur është fati ynë dhe sa të prekshëm jemi ne njerëzit, pavarësisht nga dallimet tona etnike, fetare, politike dhe sociale.

“Kjo sfidë që tejkalon dallimet tona është në të njëjtën kohë një mundësi përmes solidaritetit për të arritur pajtimin civil që është kaq e nevojshme për ne. Solidariteti duhet edhe një herë të bëhet virtyti ynë suprem individual dhe shoqëror. Vetëm nëse kujdesemi për njëri-tjetrin, vetëm nëse shteti kujdeset për secilin qytetar të tij, do të ketë shpresë për Republikën e Maqedonisë së Veriut”, thotë Pendarovski.

Postime të ngjashme

Moti sot në Maqedoni të Veriut

Z H

Shkup, sanksionohen 339 shoferë

XH,I

Pandemia ndikoi te kurorëzimet në Maqedoninë e Veriut, bie numri për 70 për qind

XH,I
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...