Tetovë, 28 shtator – Në periudhën prej orës 13 deri në orën 19, sot policët e trafikut nga SPB Tetovë zbatuan aksion të përforcuar kontrollues për sanksionimin e shoferëve të cilët drejtojnë automjetin me shpejtësi më të madhe se shpejtësia e lejuar, me çka janë sanksionuar 127 shoferë.
“Prej tyre, 33 kanë vozitur me shpejtësi prej mbi 50 kilometra në orë më shumë se shpejtësia e lejuar, ndërsa nëntë automjete me madje 70 kilometra në orë mbi të lejuarën. 94 shoferë janë sanksionuar në territorin e Tetovës, ndërsa 33 në territorin e Gostivarit. SPB Tetovë edhe një herë ju bën thirrje qytetarëve – përshtateni shpejtësinë sipas kushteve në rrugë për sigurinë tuaj më të madhe dhe të pjesëmarrësve të tjerë në komunikacion”, informoi Marjan Josifovski nga SPB Tetovë.
Paralajmërojnë se aksionet e përforcuara kontrolluese vazhdojnë edhe në ditët në vijim.
