Ka përfunduar takimi mes presidentëve Joe Biden dhe Vladimir Putin që zgjati më shumë se 3 orë e gjysmë.
Takimi mes tyre u zhvillua në Gjenevë, teksa mediat e huaja shkruajnë se presidenti Biden është larguar vetëm pak minuta më parë nga Villa La Grange, ku u mbajt takimi mes dy liderëve.
Presidentët Biden dhe Putin pritet të japin konferenca shtypi të ndara. Ishte Joe Biden ai që e kërkoi takimin e sotëm me Vladimir Putinin, dhe lëvizja e parë duket i takon pikërisht presidentit amerikan.
Të dy liderët zhvilluan takimin të shoqëruar nga Ministri i Jashtëm rus, Sergei Lavrov dhe sekretari i Shtetit Anthony Blinken.