Agjencia Zhurnal.mk
Shqipëri

Përgjimet e Antimafias italiane, gazetarja: SPAK i nisi hetimet që më 25 janar, tre prokurorë me urgjencë drejt Romës (Detaje)

Gazetarja Klodiana Lala e ftuar në rubrikën “Opinion” në rubrikën e lajmeve në News24 foli për hetimet e nisura nga Prokuroria e Posaçme (SPAK) për përgjimet e publikuara pak ditë më parë nga Antimafia Italiane, ku rezultonin të përfshirë edhe eksponentë të lartë në Shqipëri.

Sipas Lalës, SPAK nuk është vonuar të nisë hetimet, por është vonuar ta shpallë atë zyrtarisht për shkak të mbledhjes së provave.

“SPAK i ka nisur hetimet që më 25 janar, e bën me dije 10 ditë më pas por mendoj që ka pas disa arsye. SPAK ka deklaruar se janë në komunikim të vazhdueshëm me palën italiane.. Rezulton se hetimi u cel një ditë fill pas publikimit të përgjimeve për disa akuza të rënda, si “Korrupsioni pasiv i personave që ushtrojnë funksione publike”, “Grupi i strukturuar kriminal”, “Pastrimi i produkteve të veprës penale ose veprimtarisë kriminale” të kryera në kuadër të grupit të strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”.

Arsyeja kryesore ka të bëjë me një strategji të SPAK kur ka dyshime për një vepër penale grupi hetimor mund ta vendosë ata në përgjim, t’i hetojë në terren, pra mund ta ketë bërë këtë brenda 10 ditëve.

Dyshimi i dytë lidhet me faktin se SPAK deri në ato momente nuk kishte dokumente. Prokurorët udhëtuan në drejtim të Romës dhe morën materialet e dosjes në Romë, një dosje voluminoze. Kujtojmë që në Katanzaro ka pasur hetime për 3 vite e gjysmë. Besoj që ka biseda të tjera të përgjuara që ne nuk i dimë. Nga informacionet që kam, prokurori i Antimafias ka zhvilluar një bisedë të gjatë me palën shqiptare. Dosja voluminoze me sa di është në dorë të SPAK. Diskutohej për njerëz konkretë, personazhe konkrete, flitet për takime të mundshme, ndaj po mblidhen materiale për tendera të ndryshme, kalime në TIMS. SPAK dje tha se ka indicie dhe dyshime të forta se zyrtarë shqiptarë, por edhe të huaj kanë kryer aktivitet kriminal në vendin tonë.

Me sa kam kuptuar SPAK është detyruar ta pranonte publikisht se kishte çelur hetim për shkak të presionit jo vetëm shqiptar por edhe ndërkombëtar,.Vetë ambasadori italian bëri një deklaratë pak ditë më parë se do ketë edhe përgjime të tjera.

Është lajm i mirë që e ka çelur një hetim, do ishte fyese për shqiptarët nëse nuk do të çelej. Qytetarët e presin një përgjigje nga SPAK edhe në këtë rast. Cdo prokurori duhet të reagojë sa herë ka indicie”,- tha Lala.

Postime të ngjashme

Këshilltari gjerman i Bashës i shkruan ambasadores Yuri Kim: Berisha ka bërë shumë për perëndimin dhe Shqipërinë, ai është një njeri i SHBA dhe BE dhe s’ka lidhje me krimin

D V

Shqipëri, temperaturat gjatë ditëve të ardhshme pritet të shkojnë deri në 43°C

D V

Ministria e Shëndetësisë konfirmon mbërritjen e variantit “delta” të COVID në Shqipëri

D V

Situata e Covid 19 në vendin tonë; Rastet e reja në 24 orët e fundit

D V

Varianti “Delta” hyn në Shqipëri, reagon Manastirliu: Vaksinimi, arma më e fuqishme

D V

Rama pas aksidentit në Kroaci: Fatkeqësi pikëlluese për humbjen e vëllezërve dhe motrave nga Kosova

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...