Përkeqësohet gjendja me zjarre në Itali, nisin evakuimet e qytetarëve

Banorët nga vendbanimet më të vogla, rreth 40 kilometra në lindje të Romës, u evakuuan sot për shkak të zjarrit që shpërtheu.

Zjarri shpërtheu në një kohë kur kryeqyteti i Italisë po përballet me një temperaturë prej rreth 37 gradë Celsius.

Pjesë të jugut të Italisë janë kërcënuar nga zjarret javët e fundit dhe zjarri po digjej në pyjet e Kalabrisë, si dhe në ishujt e Sicilisë dhe Sardenjës. Të mërkurën, temperatura në juglindje të Sicilisë arriti pothuajse 49 gradë Celsius, që është temperatura më e lartë e regjistruar ndonjëherë në Evropë.

Zjarri tani po lëviz në veri gjersa 25 familje u evakuuan nga shtëpitë e tyre ndërsa zjarret u përhapën nëpër rezervatin natyror Monte Catillo, pranë periferisë romake të Tivoli. 30 banorë të shtëpisë për fëmijët e lënë pas dore u evakuuan gjithashtu si masë paraprake për shkak të zjarrit, u konfirmua nga shërbimi zjarrfikës.

Raportohet gjithashtu se zjarret në pyje shpërthyen gjatë natës pranë qytetit të Otrantos, në Italinë juglindore, ku një vendpushim bregdetar aty pranë u evakuua për shkak të tymit, dhe rruga bregdetare në jug të Otrantos u mbyll për qarkullim.

Dje, kryeministri Mario Draghi premtoi ndihmë financiare për komunitetet e prekura nga zjarret dhe një plan veprimi për restaurimin e zonave pyjore të shkatërruara, si dhe përpjekje për të rritur aftësinë e Italisë për t’iu përgjigjur fatkeqësive natyrore që kërcënojnë më shumë zonat rurale. 

Related posts

Evakuimi nga Kabuli duhet të mbetet prioritet, thotë NATO-ja

Redaksia

Haiti kërkon trupa të huaja pas vrasjes së presidentit

D V

Papa u bën thirrje vendeve të mirëpresin afganët

D V

This website uses cookies to improve your experience. We'll assume you're ok with this, but you can opt-out if you wish. Accept Read More