Agjencia Zhurnal.mk
Shqipëri

Plani i Italisë për Shqipërinë/ Rama dhe Di Maio nënshkruajnë për rritjen e bashkëpunimit ekonomik

Kryeministri Edi Rama dhe Luigi Di Maio Ministër i Punëve të Jashtme dhe Bashkëpunimit Ndërkombëtar Italian, firmosën marrëveshjen  për  krijimin e Komitetit të Përbashkët të Përhershëm Shqipëri-Itali me fokus intensifikimin e bashkëpunimit ekonomik.

“Tema për të cilën do të angazhohemi menjëherë është tema për planin e investimeve për Ballkanin I cili ka tre shtylla kryesore, transport e infrastrukturë,energji dhe dixhitalizim dhe në dy shtyllat e para Italia ka ekspertizën e cmuar në arenën ndërkombëtare dhe ka vullnetin për të qenë pranë nesh”.

“Marrëdhëniet tona ekonomiko tregtare janë tashmë shumë të fuqishme. Por ne duhet të bëjmë edhe më mirë. Ne shpresojmë për një shtim të prezencës së arsimit italian në Shqipëri duke e shtrirë mësimdhënien e gjuhës italiane edhe në shkollat teknike dhe profesionale. Kjo do të ishte në një linjë me stadin e bashkëpunimit ekonomik”.

Luigi Di Maio u ndal edhe integrimin e Shqipërisë drejt BE.

“Objektivi ynë më i ardhshëm do të jetë të punojmë që të thirret konferenca e parë ndërqeveritare mes BE, Shqipërisë dhe Maqedonisë së Veriut. Pavarësisht ndalesës që pësoi ky proces këtë javë,  në Këshillin e çështje të përgjithshme të BE, do të nxisim vendet e unionit përsa i përket nisjes të konferencës që përmenda”.

Lufta me Covid kërkon një sforcim të përbashkët tha ministri Di Maio ndërsa kryeministri Rama foli për përpjekjet në sigurimin e vaksinës anti-covid.

Italia falë kësaj lidhje të veçantë është pranë nesh siç është BE që vendet e rajonit mos të mbeten prapa në garantimin për personelin mjekësor sipas radhës për mësuesit, forcat e policisë e të popullatës më tej”.

Postime të ngjashme

“Asnjë rast me COVID në Tiranë”, Manasterliu publikon shifrat: Ja sa vaksinime janë kryer deri më tani në vend

Dafina Vidishiqi

Vetëm tri raste të reja me COVID-19 në Shqipëri

Dafina Vidishiqi

Ndihmës Sekretari i Shtetit Reeker do të vizitojë Italinë, Shqipërinë dhe Maqedoninë e Veriut

Dafina Vidishiqi

Paralajmërim për të shkarkuarit nga vetingu: “Do të hetoheni dhe do t’ju sekuestrohet pasuria”

Bekim Laçi

Lëvizja drejt Greqisë, MEPJ informon shqiptarët: Çfarë duhet të dini para se të udhëtoni

Bekim Laçi

Manastirliu: Ulim fashën e vaksinimit në +50 vjeç

Bekim Laçi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...