Shqipëri

“Po ushqehen vetëm me ujë dhe sheqer”, por naftëtarët e Ballshit nuk heqin dorë nga kërkesat

Zhurnal Ads

Naftëtarët e Ballshit janë sot në ditën e katërt të protestës, me shëndet që sa vjen dhe përkeqësohet, por të vendosur të mos bëjnë hapa mbas, pasi për ta nuk ka rrugë tjetër. Ato u shprehën se kanë dhimbje koke, këputje, lodhje fizike e se po ushqehen vetëm me ujë dhe sheqer.

Në nisje të grevës ishin vetëm 10 naftëtarë, mirëpo një prej tyre u detyrua të largohej ditën e djeshme pasi nuk ndihej mirë. Gjendja shëndetësore e naftëtarëve të tjerë sa vjen dhe rëndohet. Këtë e kanë treguar vetë naftëtarët për mediat ku shprehen se kanë dhimbje koke, këputje, lodhje fizike e se po ushqehen vetëm me ujë dhe sheqer.

Kreu i sindikatës, Sokol Dautaj është shprehur se ata kanë hyrë në grevë për të vdekur dhe jo për tu mjekuar. Ndërkohë, për gjendjen e tyre shëndetësore nuk ka pasur asnjë reagim nga spitalet dhe qendrat e kujdesit.

Mandje një prej naftëtarëve ka treguar se i merret fryma dhe ndjen dhimbje të gjunjëve dhe këmbëve.

“Sa vjen dhe rëndohem. Më merret fryma në gjoks, ndjej një si helm, dhimbje të këmbëve, gjunjëve, ja shtrirë. Derisa të vdesim këtu jemi. Çfarë do bëj në shtëpi unë? S’kam ti çoj bukë kalamajve. S’ka tjetër rrugë. I kam humbur shpresat.”, u shpreh.

Naftëtarët prej disa muajsh protestonin për të marrë pagat e tyre, por zëri i tyre nuk është dëgjuar dhe kështu morën aktin ekstrem. Pas mbylljes së rafinerisë që administrohet nga “Tosk Energji”, janë më shumë se 800 punëtorë që kanë mbetur pa punë. Disa ditë më parë ata protestuan edhe para ministrisë së Infrastrukturës dhe Energjisë, dhe kërkuan takim me ministren Balluku, por kjo e fundit nuk i priti në zyrë.

Postime të ngjashme

Rama i kundërpërgjigjet akuzave të Bashës: kreu i opozitës vazhdon të ngatërrojë investimin privat me pagesën 29€ për ton nga shteti, kur në Europë shtetet paguajnë deri 150€ tonin

admin

Kush e nxori në pritë Azem Hajdarin? Berisha: Çfarë më tha në zyrë militanti i tronditur

admin

Letra e Kim, reagon Malaj: Mesazh për kryeministrin, deputetët s’duhet t’i përzgjedhë Rama spontanisht

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...