Agjencia Zhurnal.mk

Poli i Jugut po ngrohet 3 herë më shpejt se pjesa tjetër e Tokës

Ngrohja e temperaturave në Polin e Jugut ka ndodhur tri herë më shpejt se në pjesën tjetër të Tokës gjatë 30 viteve të fundit.

Sipas një studimi të ri, kjo ngrohje e shpejtë mund të ketë pasoja të mëdha për shkrirjen e pllakave të akullit në Antarktidë, jetën detare në rajon dhe ngritjen e niveleve globale të detit.

Studimi, i botuar në revistën “Nature Ëeather Change”, hedh dritë në rajonin më të largët në Tokë. Shkencëtarët prej vitesh e dinin se rajonet e jashtme të Antarktidës po ngrohen.

Por ata mendonin se Poli i Jugut, duke qenë i vendosur thellë brenda Antarktidës, ishte i izoluar nga rritja e temperaturave.

“Kjo do të thotë se ngrohja e temperaturave është globale dhe se po e bën rrugën e saj edhe në vendet më të largëta”, tha Kyle Clem, autor kryesor i studimit.

Clem dhe ekipi i tij analizuan të dhënat e stacionit të motit në Polin e Jugut, si dhe modele klimatike për të ekzaminuar ngrohjen në brendësi të Antarktidës.

Ata zbuluan se midis 1989 dhe 2018, Poli i Jugut ishte ngrohur me rreth 1.8 gradë Celsius gjatë 30 viteve të fundit me një normë prej +0.6 ° C për dekadë, tre herë më shumë se mesatarja globale.

Shkencëtarët thanë se shkaku kryesor i ngrohjes ishte rritja e temperaturave të sipërfaqes së detit.

Temperaturat më të nxehta janë regjistruar në pjesë të tjera të Antarktidës vitet e fundit dhe ngrohja ka pasoja të rënda globale, veçanërisht për miliona njerëz që jetojnë në brigjet e botës, të cilët janë të prekshëm nga rritja e nivelit të detit.

Në mars, shkencëtarët e klimës regjistruan valën e parë të nxehtësisë në një bazë kërkimore në Antarktidën Lindore dhe në shkurt, temperatura e nxehtë e regjistruar ndonjëherë në Antarktidë,18.3 gradë Celsius, u mat në stacionin kërkimor të Argjentinës.

Marketing 2/1

Marketing 2/2

Marketing 2/1

Marketing 2/2

S.B.

Lajmet e fundit

Loading...