Agjencia Zhurnal.mk
Bota

Policia gjermane bastis disa prona si pjesë e hetimeve për sulmin në Vjenë

Policia gjermane tha të premten se është duke bastisur apartamente dhe zyra në kuadër të hetimeve për lidhje të mundshme me mbështetësin e grupit ekstremist, Shteti Islamik, i cili në fillim të javës, kreu një sulm të armatosur në Vjenë të Austrisë duke lënë të vrarë katër persona.

Autoritetet austriake e kanë identifikuar “terroristin islamik” si Kujtim Fejzullai, 20 vjeç, me shtetësi austriake dhe maqedonase. Ai u vra nga policia gjatë sulmit.

Vendet në Osnabrueck, Kassel si dhe në zonën Pinneberg që u kontrolluan u përkasin katër personave, të cilët “nuk besohet të jenë të përfshirë në sulm”, tha agjencia federale kundër krimit (BKA).

“Por, ata mund të kenë pasur lidhje me vrasësin e pretenduar”, tha agjencia. Bastisja bëhet me kërkesë të autoriteteve austriake.

Policia austriake ka ndaluar 14 persona si pjesë e hetimeve për sulmin.

Revista gjermane Der Spiegel kishte raportuar në fillim të kësaj jave se sulmuesi i Vjenës kishte kontaktuar me islamistët gjermanë gjatë një përpjekje për të udhëtuar në Siri për t’u bashkuar me grupin e Shtetit Islamik.

Hetimi gjithashtu ka çuar në Zvicër, ku prokurorët kanë konfirmuar se dy burra zviceranë të moshës 18 dhe 24 të cilët u arrestuan të mërkurën kishin qenë tashmë shënjestra t çështjeve penale për veprat e terrorizmit.

Postime të ngjashme

9 viktima dhe 144 raste të reja me Kovid-19 në Mal të Zi

N E

Franca me 29.344 raste të reja me Kovid-19 në 24 orët e fundit

N E

Garë e fortë për kancelarin e ardhshëm të Gjermanisë

N E

SHBA nis vaksinimin e personave mbi 18 vjeç

N E

Izraeli siguron vaksinat Anti-Covid për vitin 2022

N E

Ushtria e Çadit vret 300 rebelë

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...