Agjencia Zhurnal.mk
Kosovë

Policia heton grafitet për Graincën

Policia e Kosovës është duke hetuar rastin e shkrimit të grafiteve në Ferizaj të cilat i dedikohen deputetes Adelina Grainca e cila kaloi nga Grupi Parlamentar i PDK-së në atë të Vetëvendosjes.

“Është raportuar se persona të panjohur në disa lokacione kanë shkruar disa grafitë. Rasti vazhdon të hetohet”, thuhet në njoftimin e Policisë.

Të martën në mbrëmje në muret e oborrit të saj është shkruar mbishkrimi “Bijat i shesim, votat i qesim”, për të cilat familja e Graincës ka hedhur dyshime se këto janë bërë nga PDK-ja.

Shefja e Grupit Parlamentar të Lëvizjes Vetëvendosje, Mimoza Kusari Lila, ka thënë se këto grafitë janë realiteti i mizogjenisë në politikën kosovare, sipas së cilës vajzat dhe gratë nuk konsiderohen të denja për vendimarrje pos si valutë për shkëmbim dhe zbatim të urdhrave të partisë.

“Nëse ky akt i shëmtuar nuk denohet nga grupimi politik pjesë e të cilit ishte Adelina deri para zgjedhjes së Presidentes, atëherë aty qëndron vetë përgjigja e largimit të saj nga ata, në mënyrën se si një parti e konsideron dhe trajton një vajzë të re me mendim ndryshe”, ka shkruar ajo.

Në tjetër, PDK-ja ka mohuar se i ka bërë grafitet në shtëpinë e Graincës, e ndër të tjera ka ftuar edhe Policinë ta hetojë Lëvizjen Vetëvendosje për këtë.

Zëdhënësi i PDK-së, Avni Bytyqi ka thënë se vet reagimi i VV-së tregon se kush qëndron mbrapa këtyre grafiteve.

“Partia Demokratike e Kosovës asnjëherë nuk e ka ulur vetën në këtë nivel duke e sulmuar dikë në shtëpi e në familje për motive politike. Për këtë arsye ky sulm është i pa pranueshëm për ne. Ne ftojmë Policinë e Kosovës që të hetojnë këtë rast duke ju sugjeruar që intervistimet t’i fillojnë nga Lëvizja Vetëvendosje, pasi që siç̧ duket kjo parti vetëm pas disa ore i kanë ‘identifikuar’ autorët”, ka thënë ai.

Partia Demokratike që prej kalimit të Graincës në LVV, ka kërkuar nga ajo që ta dorëzojë mandatin.

Postime të ngjashme

Ky është Agimi që u fotografua gjatë luftës në Kosovë teksa kalonte përmes gardhit me gjemba

Bekim Laçi

Bulliqi: S’kam nevojë për truproje se qytetarët më kanë zgjedhur

Bekim Laçi

Gjakova kremton 22-vjetorin e çlirimit

Bekim Laçi

Xhavit Haliti: Serbia ka një plan të rrezikshëm për Kosovën dhe Ballkanin

Bekim Laçi

Profesori nga Beogradi para takimit Kosovë-Serbi: Vuçiq do të kushtëzojë vazhdimin e dialogut me zbatimin e Asociacionit

Bekim Laçi

Situata me pandeminë në vend, 434 raste aktive dhe afro 100 mijë qytetarë të vaksinuar

Bekim Laçi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...