Agjencia Zhurnal.mk
Kosovë TOP LAJM - KS

Policia mohon se xhandarmëria serbe u fut në Kosovë: Ishte takim zyrtar me KFOR-in

Një ditë më parë në media është raportuar se xhandarmëria serbe kishte hyrë në territorin e Republikës së Kosovës saktësisht në Karaçevë të Kamenicës, për të cilën informatë Policia e Kosovës thotë se nuk është i saktë.  

Sipas një njoftimi për media, policia sqaron se kjo informatë nuk qëndron dhe nuk i përket ndonjë informacioni zyrtar, pasi në datën 06.04.2021 është mbajtur një takim zyrtar në mes të përfaqësuesve të KFOR-it, në përbërje prej KFOR-it amerikan, turk dhe palës serbe.

“Policia e Kosovës (PK) me qëllim, informimin e drejt të opinionit publik lidhur me disa shkrime të publikuara me 07.04.2021 në disa media ku potencohej se, xhandarmëria Serbe një ditë më parë ka hyrë në territorin e Republikës së Kosovës në zonën e Karaçevës, ju informon dhe  njëherit sqaron se; Policia e Kosovës si institucion i zbatimit të ligjit në të gjitha rastet ndërmerr të gjitha veprimet konform Kushtetutës së Kosovës, ligjeve në fuqi dhe konform autorizimeve ligjore që ka, për të garantuar rendin dhe qetësinë publike, përfshirë edhe mbikëqyrjen dhe patrullimet kufitare sipas mandatit të saj.

Shkrimet e publikuara nuk qëndrojnë dhe nuk i përkasin ndonjë informacioni zyrtar, pasi në datën 06.04.2021, është mbajtur një takim zyrtar në mes të përfaqësuesve të KFOR-it, në përbërje prej KFOR-it Amerikan, Turk dhe palës serbe”, thuhet në njoftim për media.

Siç thuhet në njoftim, referuar informacioneve zyrtare lidhur me zhvillimet e realizuara në terren vlerësohet se nuk ka të bëj me hyrje të xhandarmerisë serbe në territorin e Republikës së Kosovës, por ka të bëj me realizim të një takimi zyrtar në cilësi të takimeve të rregullta.

“Prandaj konsiderojmë se opinioni publik duhet të informohet drejt dhe korrekt, Policia e Kosovës do të vazhdoj të jetë e përkushtuar në realizimin e detyrave dhe përgjegjësive të saja ligjore ndaj qytetarëve dhe vendit, si dhe informimin e drejt të opinionit publik”, thuhet ndër të tjera në njoftim.

Postime të ngjashme

Për Serbinë udhëheqësit Kosovarë nuk janë të interesuar për dialog dhe kompromis

N E

5 të vdekur dhe 382 raste të reja me Kovid-19 në 24 orët e fundit në Kosovë

N E

Albin Kurti javën e ardhshme viziton Brukselin

N E

Vazhdon vaksinimi në Kosovë

N E

Richard Grenell: Nuk kam dëgjuar që dikush në BE apo në SHBA i ka dhënë kredibilitet këtij dokumenti

R Zh

Azem Vllasi e quan të rrëzikshëm pamfletin për ndryshimin e kufijve

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...