19 C
Skopje
29/10/2020
Shqipëri

Politikani serb viziton Shkodrën: E quan ‘qytet të lashtë të Serbisë’

Vladislav Dajkoviç njihet si bloger malazezo-serb, aktivist dhe politikan. Ai ka qenë pak ditë më parë në Shkodër, ku ka bërë foto dhe thotë se ky qytet është serb. Në një postim në Facebook, Dajkoviç ndër të tjera tha se Esat Pashë Toptani i ka dorëzuar stërgjyshit të tij çelësat e Shkodrës, kur ky qytet u sulmua nga malazezët.

“Sot vizitova qytetin e lashtë serb të Shkodrës në Serbi”, – tha ai.
“Jam i lidhur me këtë qytet nga një traditë e veçantë familjare, sepse Esad Pasha i dorëzoi çelësat e qytetit gjyshit tim gjatë çlirimit malazez të Shkodrës”. Si stërnip i Luka Sutovo Dajković, unë gjithmonë ndihem mirë në këtë qytet, por gjithashtu kujtoj me trishtim mësimin e këngëve serbe, të tilla si “Zidanja Skadra na Bojani” në shkollat tona”, – tha ai.

“Nuk e harrojmë historinë tonë, edhe jetën japin. Le të jetojnë njerëzit tanë kudo që janë!”, shkroi aktivisti serbo-malazez. Vladislav Dajkovic ka zgjuar menjëherë ndjenjat e ekstremisteve serbë dhe malazezë, duke marrë komente dhe pëlqime të shumta, me pretendimin se Shkodra është tokë serbe, siç edhe pretendon historia e tyre.

Related posts

Transportonin refugjatë me furgon, arrestohen dy persona

admin

Letra e Trump për Ramën, Yuri Kim: Pata nderin ta dorëzoj! Presidenti e falënderoi për refuzimin e praktikave abuzuese të Kinës

admin

Ishte me shpejtësi! / Furgoni përplas dy pensionistët, dhe më pas del nga rruga e përmbyset (video)

admin

This website uses cookies to improve your experience. We'll assume you're ok with this, but you can opt-out if you wish. Pranoj Më tepër...