Agjencia Zhurnal.mk
Bota

Pompeo takon ministrat e Jashtëm të Azerbejxhanit dhe Armenisë

Zhurnal Ads

Forcat e Azerbajxhanit dhe armenëve vazhduan luftimet në Nagorno-Karabak më 24 tetor, një ditë pasi ministrat e Jashtëm të të dyja vendeve u takuan me Sekretarin e Shtetit të Shteteve të Bashkuara, Mike Pompeo në Uashington për të diskutuar se si të zgjidhet konflikti me dekada i gjatë.

Ministri i Jashtëm i Azerbajxhanit Ceyhun Bayramov dhe ministri i Jashtëm armen Zohrab Mnatsakanian, diskutuan në takime të ndara me Pompeon në Departamentin e Shtetit të SHBA-së më 23 tetor.

Pompeo e theksoi rëndësinë e palëve që hyjnë në negociata si thelbësore nën kujdesin e Grupit të Minskut të Organizatës për Sigurinë dhe Bashkëpunimin në Evropë (OSBE), tha zëdhënësi i Departamentit të Shtetit Morgan Ortagus.

Shtetet e Bashkuara, Franca dhe Rusia janë bashkëkryesuesit e Grupit të Minskut, të ngritur në fillim të viteve 1990 për të gjetur një zgjidhje për çështjen e Nagorno-Karabakut.

Mnatsakanian hodhi poshtë idenë e çdo roli të Turqisë si ndërmjetës ose garantues i sigurisë, duke thënë se “Turqia nuk ka asnjë rol në këtë”.

Ai tha se Turqia, e cila ka mbështetur Azerbajxhanin në luftimet e fundit, “është saktësisht pjesë e problemit”. Mnatsakanian gjithashtu tha se Armenia do të mirëpresë vendosjen e paqeruajtësve në rajon.

Ministri i jashtëm i Azerbajxhanit i tha Pompeos se “pushtimi armen” i Nagorno-Karabakut duhet të marrë fund. “Ne jemi të vendosur për të gjetur një zgjidhje politike (për) konfliktin dhe të gatshëm për të rifilluar bisedimet thelbësore menjëherë,” tha Bayramov.

Zhurnal Ads
Zhurnal Ads

Postime të ngjashme

Sulm kamikaz në Afganistan, vdesin 13 persona, dhjetëra të plagosur

admin

Lloji i ri i koronavirusit britanik po përhapet nëpër Austri

S.B.

Vullin: Hetime serioze në lidhje me përgjimin e Vuçiqit

S.B.

Përdori sistemin e raketave ruse S-400, SHBA paralajmëron sanksione ndaj Turqisë

admin

OBSH: Rritje e shpejtë e numrit të rasteve me Covid-19 në shumë vende

admin

Siria kritikon SHBA-në lidhur me sanksionet

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...