Prokuroria e Posaçme SPAK, ka lëshuar të shtunën urdhër arresti për shefin e Komisariatit të Policisë Rrugore në Tiranë, Roven Zeka.
Në pranga kanë rënë edhe shefi i oficerëve të Policisë Gjyqësore për Aksidentet Sokol Novaku si dhe oficeri Edison Tabaku.
Mësohet se SPAK, urdhër arrestet i ka lëshuar nën dyshimin se shefi i qarkullimit rrugor Roven Zeka dhe dy Oficerët e Policisë Gjyqësore, se janë të përfshirë në një rast korrupsioni.
Sipas të dhënave në polici, bëhet fjalë për një rast aksidenti ku e përfshirë është një grua. Për këtë rast nga hetimet e SPAK, prej disa javësh është mundur të zbulohet se dy oficerët e policisë Gjyqësore kanë marrë shumë të konsiderueshme parash, për të tjetërsuar provat në aksident. Për këtë dyshohet se ka pasur dijeni edhe shefi I komisariatit të Policisë Rrugore Roven Zeka.
Denoncimi sipas të dhënave nga SPAK, mësohet se është bërë nga një qytetarë.