Antonio Costa, Presidenti i ri i Këshillit Evropian, organizon sot një darkë joformale me liderët e Ballkanit Perëndimor në Bruksel. Në takim do të marrin pjesë edhe Kaja Kallas, Përfaqësuesja e Lartë e BE-së dhe Marta Kos, Komisionerja Evropiane për Zgjerim.
Sipas agjencisë së lajmeve ANSA, agjenda përfshin bashkëpunimin e BE-së me rajonin dhe përgatitjet për samitin BE-Ballkani Perëndimor të planifikuar për në 18 dhjetor në Bruksel.
Sipas njoftimit, në Bruksel do të jetë kryeministri i Shqipërisë Edi Rama, kryeministri i Kosovës, Albin Kurti, presidenti i Serbisë Aleksander Vucic, kryeministri i Maqedonisë së Veriut Hristian Mickoski, presidentha e Bosnje Hercegovines, Zeljka Cvijanović.
Raportohet se Kryeministri i Kosovës, Albin Kurti, dhe presidenti i Serbisë, Aleksandar Vuçiq, gjate pasdites do të zhvillojnë takime të ndara me shefen e re të diplomacisë së Bashkimit Evropian, Kaja Kallas.