Agjencia Zhurnal.mk
Bota

Presidenti rumun thirrje për presidentin Biden: Na mbroni nga Rusia

Presidenti Klaus Iohannis i Rumanisë është lutur për një prani më të madhe ushtarake të SHBA-së “nga Baltiku në Detin e Zi” për të mbrojtur vendet e Evropës Lindore nga Rusia e Vladimir Putinit.

Sipas mediave të huaja, përcjell Telegrafi, ai i tha presidentit Joe Biden të hënën se më shumë trupa të NATO-s janë të nevojshme në krahun lindor të Evropës pas një vendosje të fundit ushtarake nga Rusia në kufirin e saj me Ukrainën.

Komentet e tij erdhën në një konferencë të Bukureshtit – Rumania, Polonia, Hungaria, Bullgaria, Republika Çeke, Sllovakia, Estonia, Letonia dhe Lituania – të cilat ishin të gjitha ose pjesë e Bashkimit Sovjetik ose të kontrolluara nga Moska gjatë Luftës së Ftohtë.

Tani, të nëntë vendet janë anëtarë të BE-së dhe NATO-s.

Dhe Iohannis ia tha këtë Bidenit, i cili mori pjesë në konferencë përmes lidhjes video, duke e paralajmëruar për rritjen e aktivitetit rus, përfshirë rajonin e Detit të Zi, ku ndodhet Rumania.

“NATO duhet të vazhdojë të forcojë pozicionin e saj të parandalimit dhe mbrojtjes, veçanërisht në krahun lindor, në një mënyrë të unifikuar dhe koherente, nga Deti Baltik në Detin e Zi”, tha ai.

“Unë u luta – përfshirë në diskutimin me presidentin Biden – për një rritje të pranisë ushtarake aleate, duke përfshirë SHBA, në Rumani dhe në jug të krahut lindor”.

Nisma e “Bucharest Nine” u nis nga Rumania dhe Polonia në vitin 2015 për t’i dhënë anëtarëve të aleancës Lindore një mënyrë për të diskutuar çështje rajonale dhe për të krijuar një zë të bashkuar në forumin më të madh të NATO-s.

Takimi i së hënës erdhi përpara një takimi të plotë të NATO-s në 14 qershor në Bruksel, ku aleanca ka selinë e saj.

Në samitin e qershorit, Biden dhe udhëheqës të tjerë planifikojnë të diskutojnë edhe në lidhje të tensionuara me Rusinë dhe Kinën, tërheqjen e trupave nga Afganistani dhe të ardhmen e aleancës me 30 kombe.

Postime të ngjashme

Sulmohet me raketa baza amerikane në Irak

Lea Muslija

Amerika bllokon pranimin e Ukrainës në NATO?

Lea Muslija

Rusia “zbutet” e para, kthen ambasadorin në Washington pas takimit Biden-Putin

Lea Muslija

Paralajmëron OBSH: Bëni kujdes, pandemia s’ka marrë fund

Lea Muslija

Tragjedi në Peru, përmbyset autobusi, të paktën 27 viktima

Lea Muslija

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...