Bota

Presidenti Trump bën shëtitje me makinë jashtë spitalit, përshëndet mbështetësit

Pasi postoi në Twitter një video mbrëmjen e së dielës ku thoshte se po “merrte raporte të shkëlqyera” nga mjekët, Presidenti Donald Trump premtoi një befasi të vogël për mbështetësit e tij jashtë spitalit ku po trajtohej për COVID-19.

Ai pastaj u largua përkohësisht nga Qendra Kombëtare Mjekësore Ushtarake “Walter Reed” brenda një automobili të blinduar i shoqëruar nga agjentë të Shërbimit Sekret, për të përshëndetur mbështetësit që kishin ardhur jashtë spitalit dhe që brohorisnin me flamuj në duar.

“Presidenti Trump bëri një udhëtim të shkurtër me autokolonë, që u vendos në minutën e fundit, për të përshëndetur përkrahësit e tij jashtë dhe tani është kthyer në Suitën Presidenciale brenda spitalit Walter Reed”, tha zëdhënësi i Shtëpisë së Bardhë, Judd Deere në një deklaratë.

Një mjek në siptalin “Walter Reed” e quajti veprimin të papërgjegjshëm.

Dr. James Phillips, i cili është gjithashtu shef i mjekësisë së fatkeqësive natyrore në Universitetin “George Washington”, shkroi në Twitter se automjeti special ku ndodhej presidenti është i izoluar ndaj një sulmi kimik.

“Rreziku i transmetimit të COVID19 brenda tij është aq i lartë sa i tejkalon procedurave mjekësore. Papërgjegjshmëria e treguar është befasuese. Mendimet e mia janë me Shërbimin Sekret që ishte i detyruar ta shoqëronte”, shkruan Dr. Phillips, duke iu referuar shoferit dhe një agjenti shoqërues në ulësen e përparme, të cilët dukej se mbanin maska dhe kostum për t’u mbrojtur nga infektimi.

“Ishin marrë masat e duhura paraprake për ekzekutimin e kësaj lëvizjeje për të mbrojtur presidentin dhe të gjithë ata që e mbështesin, përfshirë mjete mbrojtëse personale”, tha zoti Deere, zëdhënës i Shtëpisë së Bardhë. “Lëvizja u realizua me lejen e ekipit mjekësor si diçka e sigurt, që mund të bëhej”. /VOA/

Postime të ngjashme

Bie thuajse çdo 5 vjet, historia e dhimbshme e Turqisë me tërmetet

T E

Sa “kushton” një tjetër mbyllje?! Qeveria gjermane vendos kufizime më të ashpra prej pandemisë

admin

Grindjet Trump-Biden çojnë në ndryshim rregullash

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...