Agjencia Zhurnal.mk
Kosovë

Pretendohet se KQZ-ja pagoi materiale 130% mbi çmimin e tregut

Një proces të dyshimtë prokurimi, i cili është kërkuar të anulohet, e ka zhvilluar Komisioni Qendror Zgjedhor për llogari të zgjedhjeve të 14 shkurtit.

Mbi 136 mijë euro është vlera e kontratës që KQZ-ja ia ka dhënë kompanisë “Eco Solution” me procedurë të negociuar për furnizim me dezinfektues, maska, dorëza e rroba për zgjedhjet e 14 shkurtit.

Sipas njoftimit mbi vendimin e Autoritetit Kontraktues, ky ka qenë tenderi me çmimin më të ulët si përgjigje ndaj njoftimit të kontratës për aktivitetin e prokurimit.

Firma tjetër e përzgjedhur për negocim ka qenë “Teknik” që ka ofertuar me 138 mijë euro.

Në dosjen e tenderit përshkruhet vetëm sasia e materialit të kontraktuar, por jo edhe çmimi që është paguar për copë. Janë kontraktuar mbi 280 maska të madhësisë mesatare për mbrojtje nga COVID-19; mbi 7 mijë e 547 “sanituez” dore pa alkool. Janë edhe 7 mijë e 660 dezinfektues. Dorëza plastike njëpërdorimëshe janë kontraktuar 280 copa, si dhe 300 palë rroba plastike njëpërdorimëshe.

Një kompani që ka deponuar ofertë në KQZ, por nuk është ftuar në negocim, pretendon se çmimet e kontraktuara janë astronomike krahasuar me vlerën e produkteve në treg.

Pas njoftimit për tenderin e suksesshëm, kompania “ECO Pastrimi” ka dërguar një letër në KQZ, ku pretendon se drejtori i Zyrës së Prokurimit, Nexhmi Haxhiu, ka shkelur ligjin. Nëpërmjet letrës, një kopje të së cilës e ka siguruar KOHA janë njoftuar edhe kryetarja dhe anëtarët e KQZ-së. Ndaj drejtorit të Zyrës është paralajmëruar edhe inicim i një kallëzimi penal për shkak të mosdërgesës së ftesës për negociata me rastin e pranimit të ofertës.

“Sipas Ligjit të Prokurimit Publik, ju si institucion keni zhvilluar procedurë të negociuar pa publikim të njoftimit me kontratë, mirëpo ju si Autoritet Kontraktues konkretisht ju shefi i prokurimit z. Nexhmi Haxhiu, keni shkelur ligjin e LPP-së pasi e keni obligim ligjor që me rastin e pranimit të ofertës nga një kompani, nëse zhvilloni procedurë të negociuar, e keni për detyrim ta ftoni edhe kompaninë që keni pranuar ofertë”, shkruan në letrën drejtuar KQZ-së. “Ju i nderuar e keni shkelur ligjin e LPP-së dhe keni bërë shumë shkelje me këto veprime tuaja. Po ashtu, veç po ju informoj se sipas paramasës dhe parallogarisë i keni përzgjedhur për negocim dy firma që janë bashkëpunëtore me njëra-tjetrën dhe që keni shpërblyer me kontratë një firmë që ka ofertuar me çmime astronomike mbi 130% mbi çmimin e tregut me shumicë”.

Ky operator ekonomik ka paralajmëruar të paraqesë ditët në vijim kallëzim penal ndaj shefit të prokurimit.

Postime të ngjashme

Vozitjet e gjata që çojnë në vdekje

D V

Nesër në mbrëmje nisen për në Kosovë trupat e 10 personave të vdekur në aksidentin në Kroaci

D V

Sveçla: Shumica e të aksidentuarve duan të vijnë në Kosovë, një pjesë e tyre nga Kroacia duan të kthehen në Gjermani

D V

Djaloshi që ishte për vizitë te babai dhe po kthehej në Kosovë: Të gjithë fluturuam nga dritarja, menduam se po ëndërronim

D V

Kujtim Kastrati që humbi jetën në aksidentin tragjik në Kroaci, po vinte në Kosovë për të martuar vëllain

D V

Zjarrfikësit që shpëtuan pasagjerët e autobusit: Asgjë nuk mund t’ju përgatisë për këtë tragjedi

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...