Agjencia Zhurnal.mk
Bota

“Princi i Jordanisë i përfshirë në tentime për të ‘dëmtuar sigurinë’”

Jordania njoftoi se ish Princi i Kurorës, Hamzah bin Al-Hussein, ishte përfshirë në “përpjekjet për të destabilizuar sigurinë e vendit” me palët e huaja.

“Hetimet paraprake zbuluan lëvizjet dhe aktivitetet nga Princi Hamzah dhe të arrestuarit e tjerë që dëmtojnë sigurinë dhe stabilitetin e vendit”, tha Ministri i Jashtëm, Ayman al-Safadi, në një konferencë për media.

Ai tha se hetimet treguan se ndihmësit e princit ishin në kontakt me opozitën e jashtme.

“Përpjekjet për të destabilizuar sigurinë ishin në koordinim me palët e huaja”, shtoi Safadi.

“Princi Hamzah punoi për të nxitur dhe mobilizuar kundër vendit”, tha ministri.

Dje, Princi Hamzah dhe ish-kreu i Oborrit Mbretëror të Jordanisë, Bassem Ibrahim Awadallah, ishin në mesin e rreth 20 personave për të cilët u raportua se janë arrestuar me arsyetimin se ata “përbëjnë një kërcënim për stabilitetin e Jordanisë”.

Në një deklaratë nga Shefi i Shtabit të Jordanisë, Gjenerali Yousef Huneiti, mohoi që Princi Hamzah të jetë arrestuar ose në arrest shtëpie, por konfirmoi se atij iu kërkua të ndalonte aktivitetet që shënjestrojnë sigurinë dhe stabilitetin e Jordanisë.

Princi Hamzah, megjithatë, u shfaq në një video duke thënë se ai ishte në arrest shtëpiak dhe se është akuzuar si pjesë e takimeve ku është kritikuar Mbreti.

“Unë nuk jam pjesë e ndonjë komploti apo organizate të keqe apo grupi të mbështetur nga të huaj, siç pretendohet gjithmonë këtu për këdo që flet”, tha princi.

Princi Hamzah, 41 vjeç, është gjysmë-vëllai i mbretit Abdullah II të Jordanisë dhe djali i madh i mbretit të ndjerë Hussein bin Talal nga gruaja e tij e fundit.

Ai u shpall princ i kurorës më 7 shkurt 1999, por ai u zëvendësua më 28 nëntor 2004 nga djali i madh i Mbretit Abdullah II, Husein bin Abdullah, i cili u emërua në këtë post nga i ati/AA

Postime të ngjashme

Gjermania tërheq një togë nga misioni i NATO-s në Lituani

Dafina Vidishiqi

Dhjetëra policë gjermanë plagosen pas një beteje të ashpër me disa qytetarë

Dafina Vidishiqi

Erdogan do të pësonte humbje, do të fitonte opozita e bashkuar – nëse zgjedhjet do të mbaheshin të dielën

Dafina Vidishiqi

Putin dakordohet me Biden për rifillimin e bisedimeve mbi kontrollin e armëve

Dafina Vidishiqi

Biden flet pas takimit me Putinin: Unë bëra atë që erdha të bëj

Dafina Vidishiqi

Borrell: Qeveria ruse dëshiron të destabilizojë Bashkimin Evropian dhe anëtarët e tij

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...