Koçan, 18 tetor – Pasditen e sotme në Koçan u mbajt marshimi i 27-të “Marshi për engjëjt” në kushte me shi dhe sipas itinerarit të zakonshëm, por pa ndonjë deklaratë zyrtare nga ata, gjë që deri më tani ka qenë mënyra e komunikimit të prindërve të viktimave me opinionin.
Përmes mesazheve të shkruara në pankarta, edhe sot për tragjedinë në “Puls” ata i fajësuan institucionet, nga të cilat kërkojnë drejtësi dhe gjykim të drejtë. Dhjetë minuta u bllokua komunikacioni në rrugën “Stevo Teodosievski”, te ura e dyfishtë mbi lumin Koçanska.
Marshi për engjëjt e tyre prindërit e filluan nga “Parku i Revolucionit”, prej nga u nisën drejt Qendrës Tregtare. Marshimi vazhdoi drejt Gjykatës Themelore me ndalesa të shkurtra përpara ndërtesës së DAP-it dhe Stacionit Policor.
Marshi i 27-të “Për engjëjt” në Koçan sot përfundoi aty ku edhe filloi – në “Parkun e Revolucionit”.