Agjencia Zhurnal.mk
Maqedoni

Prioritetet e Stokholmit për OSBE-në, lufta kundër korrupsionit, liria e mediave…

Shkup, 25 janar – Ambasadorja e Suedisë në vendin tonë Kristin Forsgren Bengston sot i prezantoi programin dhe prioritetet e Stokholmit për OSBE-në për vitin 2021, që ishin prezantuar nga kryesuesi aktual, ministrja suedeze e Punëve të Jashtme, An Linde në Vjenë më 14 janar, njoftoi Ambasada suedeze në Shkup.

Gjatë gjithë vitit, siç theksohet në kumtesë, në kuadër të kryesimit të saj, Suedia do të udhëhiqet nga disa prioritete, siç janë mbrojtja e rendit evropian të sigurisë, zgjidhja e konflikteve afatgjate dhe përforcimi i demokracisë dhe barazisë gjinore.

“Në kuadër të kryesimit me OSBE-në, Suedia do të përqendrohet në parimet dhe obligimet e përbashkëta, njëherësh akti i përfunduar i Helsinkit dhe Konventa e Parisit për Evropë të re, të cilat e përbëjnë bazën e rendit evropian të sigurisë. Ato përmbajnë elemente të nevojshme për zgjidhjen e konflikteve dhe për shmangien e krizave të ardhshme. Respektimi i këtyre obligimeve është përgjegjësi e përbashkët dhe është në interes të të gjitha vendeve pjesëmarrëse të OSBE-së”, tha ambasadorja Forsgren Bengston.

Shefi i misionit të OSBE-së në Shkup, ambasadori Klemens Koja deklaroi se puna e Misionit në mbështetjen e procesit të reformave në Maqedoninë e Veriut, në sferat me prioritet siç janë sundimi i drejtësisë, kultivimi i kohezionit social, lufta kundër korrupsionit, liria e mediave dhe barazia gjinore, janë tërësisht në përputhje me prioritetet e kryesimit suedez me Organizatën. (Zhurnal.mk)

Postime të ngjashme

Përfundoi debati i përgjithshëm rreth propozim ligjit për plotësimin e Ligjit për financimin e njësive të pushtetit lokal

R Zh

Vestager: Të respektohen rregullat e BE-së në planet kombëtare të rimëkëmbjes

T E

Lefkov: Për lëshimet e platformës së regjistrimit nuk është fajtor populli

T E

Qeveria e miratoi Protokollin shëndetësor për zbatimin e regjistrimit

T E

Analistët për Zhurnal: Problemi me bullgarët do të jetë më shumë serioz se ai grek

Z H

Qeveria miraton Propozim ligjin për shpallje të malit Sharr si Park Kombëtar

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...