Agjencia Zhurnal.mk
Kosovë TOP LAJM - KS

PROFIL/ Kush është Presidentja Vjosa Osmani, gruaja më e votuar në histori të zgjedhjeve të Kosovës

Vjosa Osmani është Presidentja e re e Kosovës. Gruaja më e votuar në histori të zgjedhjeve aty arriti dje të marrë besimin e Kuvendit pas 3 raundesh.

Osmani ka kryer shkollimin fillor e të mesëm në Mitrovicë, ndërkohë që ka mbaruar studimet e larta për drejtësi në Prishtinë.

Po ashtu Osmani është politikania e dytë më e votuar në zgjedhje parlamentare, pasi më 14 shkurt u votua nga rreth 300 mijë qytetarë të Kosovës.

BIOGRAFIA E VJOSA OSMANIT

Dr. Vjosa Osmani Sadriu u lind më 17 maj 1982 në Mitrovicë, në Kosovë.

Shkollimin fillor dhe të mesëm e ka mbaruar në Mitrovicë, ndërkaq Fakultetin e Drejtësisë e ka mbaruar në Universitetin e Prishtinës.

Studimet Master dhe studimet e Doktoratës i ka të mbaruara në Universitetin e Pittsburghut në Pensilvani, ShBA.

Ajo është zgjedhur deputete në Kuvendin e Republikës së Kosovës në katër mandate, kështu duke u bërë gruaja më e votuar në histori të zgjedhjeve parlamentare në Kosovë si dhe politikania e dytë më e votuar në zgjedhje parlamentare. Në mandatet e kaluara ajo ka udhëhequr Komisionin Parlamentar për Punë të Jashtme, Komisionin për Integrime Evropiane dhe ka qenë Nënkryetare e Komisionit për Reformë Kushtetuese.

Më 3 shkurt 2020, Vjosa Osmani u zgjodh kryetarja e parë grua e Kuvendit të Republikës së Kosovës. Më 5 nëntor 2020, ajo mori detyrën e u.d. si Presidente e Republikës së Kosovës.

Gjatë viteve 2006-2010, Vjosa Osmani ka shërbyer si Shefe e Stafit të presidentit Sejdiu dhe Këshilltare e Lartë për çështje Ligjore dhe Marrëdhënie Ndërkombëtare.

Ka publikuar libra, artikuj, monografi dhe punime nga fusha e të Drejtës Ndërkombëtare dhe Komerciale, si në gjuhën shqipe, ashtu edhe në atë angleze.

Osmani është e martuar me Pridon Sadriun dhe ka dy vajza binjake.

Postime të ngjashme

Byroja e Sigurimeve: Nga 1 korriku qytetarët e Kosovës nuk do të paguajnë 15 euro taksë në Mal të Zi

Bekim Laçi

“Dialogu, korrniza e vetme”, “DW”: Vuҫiç për kompromis me Kosovën – Prishtina kërkon vetëm njohje nga Serbia

Bekim Laçi

KGJK sot bëhet me kryesues, Gjykata e Prishtinës me kryetar

Bekim Laçi

Albin Kurti pritet sot nga presidenti francez në Pallatin Elisee

Bekim Laçi

Kurti dhe Wolfgang Petritsch flasin për dialogun Kosovë-Serbi

Bekim Laçi

Musliu: Albin Kurti mashtroi Kosovën për dialogun

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...