Agjencia Zhurnal.mk
Kosovë

Projektligji për Rimëkëmbjen Ekonomike sërish në Kuvend

Edhe sot në rend dite të seancës së Kuvendit do të jetë Projektligji për Rimëkëmbjen Ekonomike nga pandemia COVID-19. Seanca do të nisë në orën 10:00.

Në mungesë të kuorumit javën e kaluar deputetët e Kuvendit të Kosovës sërish kishin dështuar të miratojnë Projektligjin për Rimëkëmbjen Ekonomike nga pandemia COVID-19. Në seancë kishin marrë pjesë në votim vetëm 41 deputetë, ndërsa votimi për këtë Projektligj është bartur për seancën e radhës.

Ky projektligj, po ashtu nuk kishte marrë votat në lexim të parë as në muajin gusht, pasi Lëvizja Vetëvendosje dhe Partia Demokratike e Kosovës refuzuan ta votojnë, ndonëse ministrja e Financave, Hykmete Bajrami, bëri thirrje për votimin e tij.

Në seancën e kaluar Partia Demokratike e Kosovës dhe Lidhja Demokratike ishin përplasur lidhur me mosvotimin e këtij Projektligji.

Deputeti i PDK-së, Memli Krasniqi, kishte thënë se kjo Qeveri nuk ka asnjë vullnet ta miratojë këtë Projektligj, pavarësisht që opozita ka shprehur vullnet për bashkëpunim.

“Koalicioni qeveritar është i paaftë për me kalu çfarëdo vendimi në Kuvend. Këta që janë sot në Qeveri kanë refuzuar me diskutu për Pakon Financiare që i ndihmon qytetarët. Prej datës 7 prill nuk kanë qenë të gatshëm të diskutojnë për mundësinë për tejkalimin e situatës së rëndë të njerëzve duke jua mundësu m’i marrë pagesat prej Qeverisë. Në muajt e fundit ka pasur vullnet prej opozitës, PDK-së veçanërisht, që të gjejmë një rrugëdalje për t’i harmonizuar qëndrimet, asnjë vullnet s’ka ekzistu prej Qeverisë, veçanërisht LDK-së”, kishte thënë Krasniqi.

E pas kësaj deklarate, kishte reaguar shefi i Grupit Parlamentar të LDK-së, Arben Gashi, duke thënë se në tri seancat e fundit i ka bërë ftesë publike opozitës që t’i sjellë me shkrim propozimet që ka dhe se ata do t’i marrin parasysh.

Po ashtu, kryetari i Grupit Parlamentar të Lëvizjes Vetëvendosje, Rexhep Selimi, në seancën e Kuvendit të Kosovës, ka thënë se Qeveria nuk duhet të presë nga opozita të sigurohen votat për ta kaluar këtë projektligj.

Kurse, shefi i Grupit Parlamentar të Aleancës për Ardhmërinë e Kosovës, Daut Haradinaj, në seancën e fundit ka bërë thirrje te të gjithë deputetët që të japin votën e tyre që Projektligji për Rimëkëmbjen Ekonomike të kalojë në lexim të parë.

Haradinaj ka thënë se Projektligji duhet të kalojë në lexim të parë e më pastaj mund të plotësohet.

Me anë të këtij Projektligji parashihet zbatimi i Pakos së Rimëkëmbjes Ekonomike në vlerë prej 365 milionë euro.

Postime të ngjashme

Fundjava në Kosovë me rrebeshe shiu, java e ardhshme me valë të nxehtit afrikan

Dafina Vidishiqi

Gjykimi ndaj Salih Mustafës në Hagë fillon më 15 shtator

Dafina Vidishiqi

Vasfije Krasniqi kërkon solidarizim për ta kundërshtuar dhunën seksuale në luftë

Dafina Vidishiqi

Asociacioni, a mund t’i tensionojë raportet Kosovë – SHBA?

Dafina Vidishiqi

Osmani e Erdogan bisedojnë për thellimin e bashkëpunimit mes Kosovës e Turqisë

Dafina Vidishiqi

Oda e Infermierëve kërkon nga MSh të shqyrtoj vendimin për angazhimin e mbi 300 infermierëve

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...